Umah Selaso Jatuh Kembar

Umah Selaso Jatuh Kembar inggih punika silih tunggil saking limang umah adat sane wenten ring Provinsi Riau. Umah adat sane tiosan punika minakadi Umah Melayu Atap Limas Potong, Rumah Melayu Atap Lipat Kajang, Umah Melayu Atap Lontik, miwah Umah Suku Sukai.

Umah adat Selaso Jatuh Kembar pinaka umah resmi Provinsi Riau sane ketah kabaos umah, duaning akehan krama Riau saking Suku Melayu. Selaso Jatuh Kembar maartos umah sane madue kalih selasar utawi selaso sane batarannyane lebih endep saking ruang tengah.

Pinda Umah Selaso Jatuh Kembar

Umah Selaso Jatuh Kembar marupa panggung miwah persegi panjang. Ring puncak duurnyane, setata wenten iasan kayu sane kabaos Tunjuk Langit. Umah puniki sering kanggen genah parum. Umah Selaso Jatuh Kembar madue selasar keliling sane batarannyane lebih endep saking ruang tengah. Duaning punika, umah adat puniki kabaos Selaso Jatuh Kembar.

Iasan Umah Selaso Jatuh Kembar madue motif alam, minakadi flora, fauna, miwah benda-benda angkasa. Akeh sane nganggen corak sane kapolihang saking entik-entikan utawi flora.

Kawigunan Umah Selaso Jatuh Kembar

Umah Selaso Jatuh Kembar inggih punika umah sane madue tembok, jelanan, miwah jendela kawigunannyane nenten pinaka genah meneng sakewanten pinaka genah ngamargiang paparuman. Duaning umahe puniki nenten madue serambi utawi kamar.

Umah Selaso Jatuh Kembar wantah madue selasar ring ajeng kemanten. Ring tengah, wenten ruang sane kapasahang antuk telo utawi ruang pinaka pangubung. Telo kanggen pinaka genah ngajeng, taler ring ungkur wenten pawaregan.