Umah Bolon
Umah Bolon inggih punika umah adat suku Batak sane wit saking wawidangan ring Provinsi Sumatera Utara. Umah Bolon manados simbol saking identitas krama Batak sane silih tunggil suku pinih ageng ring Indonesia. Umah Bolon taler ketah kabaos Umah Gargo inggih punika umah patemon kulawarga ageng. Dumun, sane meneng ring Umah Bolon punika para raja ring Sumatera Utara inggih punika Tuan Ranjinman, Tuan Nagaraja, Tuan Batiran, Tuan Bakkaraja, Tuan Baringin, Tuan Bonabatu, Tuan Rajaulan, Tuan Atian, Tuan Hormabulan, Tuan Raondop, Tuan Rahalim, Tuan Karel Tanjung, miwah Tuan Mogang.
.jpg)
Sane ngrancang Umah Bolon puniki arsitektur kuno sane mapesengan Simalungun. Umah Bolon puniki pateh sakadi umah adat sane tiosan, sakewanten binannyane magenah ring tiang penyangga sane kakaryanin antuk kayu bulet utawi basikah. Ring duur raab kagenahang tanduk kebo. [1]
Ring Umah Bolon wenten kalih wangunan utama. Sane kapertama kabaos ruma pinaka genah meneng, miwah sane kaping kalih kabaos sopo pinaka lumbung padi. Umah Bolon mapinda segi pat antuk model wangunan sane marupa panggung. Jarak wangunan saking tanah 1,75 meter. Yening jagi ngranjing ka tengah umah mangda dangan sapatutyane nganggen jan duaning wangunan umah puniki tegeh. [2]
Umah Bolon kapah dados tiga, inggih punika teben, tengah, miwah duur. Tombara inggih punika pahan teben pinaka genah buron minakadi siap, jaran, miwah kebo. Tonga inggih punika pahan tengah sane kangge genah sang sane nuenin umah sarahina-rahina. Pahan duur umah puniki kabaos ginjang. [2]
- ↑ Media, Kompas Cyber (2021-01-13). "Rumah Bolon, Rumah Adat Suku Batak di Sumatera Utara Halaman all". KOMPAS.com (ring Indonesia). Kaaksés 2023-02-08.
- ↑ 2,0 2,1 Inilah Rumah Adat Batak: Rumah Bolon, Tim Editorial Lamudi (2020-08-23). "Inilah Rumah Adat Batak: Rumah Bolon". https://www.lamudi.co.id/journal/. Kaaksés 2023-02-08. External link in
|website=(help)