Umah Baduy
Umah Baduy inggih punika umah adat sane wenten ring wawidangan Banten, Jawa Barat. Umah Baduy nenten wantah kanggen pinaka genah meneng, sakewanten umah adat Baduy taler madue nilai-nilai kahuripan. Pindan umah adat Baduy ketah kabaos Julang Ngapak. [1]
Caciren Umah Baduy inggih punika minakadi ring sor.
- Umah Baduy kawangun nenten dados nganteg tanah.
- Tiang Umah Baduy katatakin antuk batu.
- Tembok umah kakaryanin antuk ulat-ulatan tiing.
- Raab umah kapah dados kalih, inggih punika raab ring kiwa lebih panjang saking raab ring tengen.
- Raab umah kakaryanin antuk duk utawi don nyuh.
- Umah Baduy nenten madue jendela.
- Bataran umah kakaryanin antuk tiing.
Umah Baduy kakepah dados tatiga, inggih punika sakadi ring sor.
- Sane kapertama wenten genah sane pamekasnyane kanggen genah sirep kepala keluarga taler kanggen pawaregan sane kabaos imah.
- Genah sirep sane kanggen anak alit sapisanan dados genah ngajeng kabaos tepas.
- Genah sane kanggen nyanggra tamiu inggih punika sosoro.[2]
- ↑ "Penjelasan Rumah Adat Baduy Banten Fungsi dan Keunikan". Media Pendidikan (ring Indonesia). Kaaksés 2023-02-11.
- ↑ Cinta. "Rumah Adat Banten - Badui | Rumah Adat Indonesia". Kaaksés 2023-02-11.