Taman Nasional Méru Betiri

Saking Wikipédia
Cebur nuju navigasi Cebur nuju parerehan
Taman Nasional Meru Betiri

Taman Nasional Meru Betiri inggih punika silih tunggil taman nasional sané magenah ring wewengkon Jawa Timur sisi kauh tur ring koordinat 8°21’ - 8°34’ LS, 113°37’ - 113°58’ BT. Taman punika magenah ring 900 - 1.223 mdpl miwah curah ujannyané 2.300 mm/warsa. Taman Nasional Meru Betiri kadadosang taman nasional, ngawit ring warsa 1982 olih Menteri Pertanian tur kaputusang jimbarnyané sawatara 58.000 ha. Kaputusan genah punika dados taman nasional, manut saking kaputusan Menteri Kehutanan, SK No. 277/Kpts- VI/97. Wastan taman nasional puniki kaambil saking wasta gunung pinih tegeh ring wewengkon genah punika, Gunu Betiri (1.233 m). Manut saking datanyané, Taman Nasional Meru Betiri magenah ring wewengkon Kecamatan Pesanggaran, Kabupatén Banyuwangi miwah Kabupatén Jember, Propinsi Jawa Timur.[1]

Soroh Entik-entikan[uah | uah wit]

Taman Nasional Meru Betiri dados genah meneng makudang-kudang soroh entik-entikan langka, sakadi padma Rafflesia zollingeriana sané éndemik ring Jawa.

Entik-entikan pasih sané ketah kacingakin, inggih punika:

  • Bakau (Rhizophora sp.)
  • Api-api (Avicennia sp.)
  • Waru (Hibiscus tiliaceus)
  • Nyamplung (Calophyllum inophyllum)
  • Rengas (Gluta renghas)
  • Bungur (Lagerstroemia speciosa)
  • Pulai (Alstonia scholaris)
  • Benda (Artocarpus elasticus)
  • Bruguiera sp.
  • Sonneratia sp.
  • Balanophora fungosa)

miwah makudang-kudang entik-entikan sané prasida kaanggén tamba (toba). Manut saking data sané wénten, ring warsa 2008 ring wewengkon Bandé Alit miwah Sarongan (Kabupatén Banyuwangi) midartayang wénten sawatara 27 soroh anggrék ring taman nasional punika.

Soroh Buron[uah | uah wit]

Taman Nasional Meru Betiri madué buron sané kalindungin sané kapah dados mamalia miwah kedis. Buron punika minakadi:[2]

  • Musang luak (Paradoxurus hermaphroditus)
  • Monyét kra (Macaca fascicularis)
  • Macan tutul (Panthera pardus melas)
  • Ajag (Cuon alpinus javanicus)
  • Kucing kampung (Prionailurus bengalensis javanensis)
  • Rusa (Cervus timorensis russa)
  • (Cervus unicolor)
  • Bajing terbang ikuh 9 (Iomys horsfieldii)
  • Merak (Pavo muticus)
  • Penyu belimbing (Dermochelys coriacea)
  • Penyu sisik (Eretmochelys imbricata)
  • Penyu hijau (Chelonia mydas)
  • Penyu lekang/ridel (Lepidochelys olivacea)
  • Accipiter trivirgatus
  • Falco moluccensis
  • Hieraaetus kienerii
  • Otus lempiji
  • Glaucidium castanopterum
  • Elang Spizaetus alboniger

Marga ka Taman Nasional Meru Betiri[uah | uah wit]

Taman Nasional Meru Betiri prasida karereh liwat wewengkon Kabupatén Banyuwangi ring sisi kauh, utawi liwat Kabupatén Jember ring sisi kangin. Marga punika katlatarang sakadi puniki:[3]

  • Banyuwangi - Jajag - Pesanggaran - Tukad Lembu - Kandangan - Sarongan - Pasih Rajegwesi (kori taman nasional) - Sumbersuko - Sukamadé. Sukamadé inggih punika wewengkon pasih sané kasub dados genah panglimbakan penyu.
  • Jember - Ambulu - Tempurejo - Curahnongko - Andongrejo (genah kori taman nasional) - Bandé Alit. Bandé Alit taler marupa wewengkon pasih sané magenah ring tegal alit ring madya wana.

Genah Malancaran[uah | uah wit]

Taman Nasional Meru Betiri madué genah malancaran wana miwah pasih. Wénten akéh pasih irika sané kasuciang, krana nénten dados kawangun dados genah wisata, sakadi Pasih Sukamadé sané dados genah penyu mataluh ring weinginyané.

Pustaka[uah | uah wit]

  1. Rudi. "Taman Nasional Meru Betiri, Surga Bagi yang Jiwa Petualang". https://www.nativeindonesia.com/ (ring Inggris). Kaakses 2021-05-17. External link in |website= (help)
  2. "PANDUAN CERDAS EKSPLOR TAMAN NASIONAL MERU BETIRI". MyTrip (ring Indonesia). Kaakses 2021-05-17.
  3. "Taman Nasional Meru Betiri, Banyuwangi". Utiket.com (ring Indonesia). Kaakses 2021-05-17.