Taman Nasional Baluran
| Taman Nasional Baluran | |
|---|---|
IUCN Kategori II (Taman Nasional) | |
 Sabana Taman Nasional Baluran | |
  TN. Baluran Genah ring Kabupatén Situbondo, Jawa Timur | |
| Genah | Jawa Timur, Indonésia |
| Nampek kota | Situbondo miwah Banyuwangi |
| Jimbar | 250 km² |
| Kaadegang | 1980 |
| Karauhin | 10,192 (warsa 2007[1]) |
| Sané Ngalola | Departemen Kehutanan |
Taman Nasional Baluran (aksara Bali: tamannasiyonalbaluran·) silih tunggil Taman Nasional ring Indonésia sané magenah ring wewengkon Banyuputih, Situbondo, Jawa Timur, Indonésia. Wastan saking Taman Nasional puniki kaambil saking wastan gunung sané magenah ring wewengkon puniki, inggih punika Gunung Baluran. Gerbang ngranjing ka Taman Nasional Baluran magenah ring 7°55'17.76"S miwah 114°23'15.27"E. Taman nasional puniki kapah manut saking tipe vegetasi sabana, hutan mangrove, hutan musim, hutan pantai, hutan pegunungan bawah, hutan rawa miwah hutan sané sawai-wai hijau sepanjang warsa. Tipe vegetasi sabana puniki mendominasi Taman Nasional Baluran inggih punika sawatara 40 persén saking makasami total jimbar lahan sané wénten.
Sadurung warsa 1928, silih tunggil paboros sané mawit saking Belanda mawasta AH. Loedeboer madué genah Konsesi perkebunan ring Labuhan Merak miwah Gunung Mesigit, tur naenin singgah ring Baluran. Ida maosang indik Baluran madué nilai sané penting antuk ngelindungin satwa, sakadi mamalia ageng. Ring warsa 1930 KW. Dammerman sané menjabat dados Direktur Kebun Raya Bogor ngusulang indik Baluran mangda kadadosang hutan lindung. Ring warsa 1937 Gubernur Jenderal Hindia Belanda netapang Baluran dados Suaka Margasatwa tur katetapannyané GB. No. 9 tanggal 25 Séptémber 1937 Stbl. 1937 No. 544. Ritatkala sasampun kamahardikayan, Baluran katetapang malih dados Suaka Margasatwa olih Menteri Pertanian dan Agraria Républik Indonésia kasarengin antuk Surat Keputusan Nomor. SK/II/1962 ring tanggal 11 Méi 1962. Ring tanggal 6 Maret 1980 punika hari Strategi Pelestarian sajebag jagaté, tur taler Suaka Margasatwa Baluran punika kaumumang dados Taman Nasional olih menteri Pertanian.[2]
Manut saking SK, Menteri Kehutanan No. 279/Kpts.-VI/1997 tanggal 23 Méi 1997 wewidangan Taman Nasional Baluran katetapang madué jimbar 25.000 Ha. Wewidangan punika kapah dados makudang-kudang pahan manut saking SK. Dirjen PKA No. 187/Kpts./DJ-V/1999 tanggal 13 Désémber 1999[3] inggih punika:
- Zona inti sané jimbarnyané 12.000 Ha.
- Zona rimba sané jimbarnyané 5.537 ha (perairan = 1.063 Ha miwah daratan = 4.574 Ha).
- Zona pemanfaatan intensif sané jimbarnyané 800 Ha.
- zona pemanfaatan khusus sané jimbarnyané 5.780 Ha, miwah zona rehabilitasi sané jimbarnyané 783 Ha.
Ring Taman Nasional puniki madué sawatara 444 soroh entik-entikan sané sujati madué cecirén tur prasida beradaptasi ring wewidangan sané tuh. Entik-entikan punika inggih punika:
- Widoro bukol (Ziziphus rotundifolia)
- Mimba (Azadirachta indica)
- Pilang (Acacia leucophloea)
Entik-entikan sané lianan inggih punika:
- Clagi (Tamarindus indica)
- Gadung (Dioscorea hispida)
- Kemiri (Aleurites moluccana)
- Gebang (Corypha utan)
- Api-api (Avicennia sp.)
- Kendal (Cordia obliqua)
- Salam (Syzygium polyanthum)
- Kepuh (Sterculia foetida)
Ring Taman Nasional puniki wénten 26 soroh mamalia inggih punika:
- Banteng (Bos javanicus javanicus)
- Kerbau liar (Bubalus bubalis)
- Ajag (Cuon alpinus javanicus)
- Kijang✓(Muntiacus muntjak muntjak)
- Menjangan (Cervus timorensis russa)
- Macan tutul (Panthera pardus melas)
- Kancil (Tragulus javanicus pelandoc)
- Kucing bakau (Prionailurus viverrinus)
Buron banténg dados maskot utawi cecirén saking Taman Nasional Baluran puniki.
Lianan saking punika, wénten sawatara 155 soroh kedis, soroh kedis sané nénten sering kacingakin utawi langka inggih punika:
- Layang-layang api (Hirundo rustica)
- Tuwuk asia (Eudynamys scolopacea)
- Burung merak (Pavo muticus)
- Ayam hutan merah (Gallus gallus)
- Kangkareng (Anthracoceros convecus)
- Burung rangkong (Buceros rhinoceros)
- Bangau tong-tong (Leptoptilos javanicus)
- ↑ Forestry statistics of Indonesia 2007 Archived 2011-07-22 at the Wayback Machine, retrieved 20 May 2010
- ↑ Pudyatmoko, Satyawan (2019-05-24). "Habitat dan Interaksi Spatio-Temporal Merak Hijau dengan Sapi dan Herbivora Besar di Taman Nasional Baluran". Jurnal Ilmu Kehutanan. 13 (1): 28. doi:10.22146/jik.46142. ISSN 2477-3751.
- ↑ Muryono, Mukhammad (2011-06-26). "Analisis Tata Ruang (Zonasi) Pengembangan Ekowisata di Kawasan Taman Nasional Baluran Jawa Timur". Journal of Biological Researches. 17 (1): 115–117. doi:10.23869/bphjbr.17.1.201122. ISSN 0852-6834.
