Surabaya

Saking Wikipédia
Loncat ke navigasi Loncat ke pencarian
Aksara Latin
     

Surabaya inggih punika ibu kota provinsi Jawa Timur. Yening selehin Surabaya katah kasengguh Kota Pahlawan, punika sangkaning kawentenan sejarahnyane. Arek-arek Suroboyo (muda-mudi Surabaya) mabelapati ngruruh kemerdekaan negara Indonesia daweg nguni. Kacritayang daweg rahina sukra 9 September 1945, kapal-kapal Inggris ngulungang pakeling-pakeling saking akasa majeng ring makasami krama ring wewidangan jagat Surabaya. Pakeling punika madaging gageem sané nunasang krama pejuang Surabaya mangda nyukserahang piranti-priranti perang makasami ring tanggal 10 November 1945 pinih suwe jam 6 semeng.

Nenten ja wantah asapunika, pakeling punika madaging piteket majeng ring sira ja sané ngemademang Brigadir Jenderal Mallaby ring tanggal 30 Oktober 1945 mangda sida nyukserahang deweknyane ring wadwa Inggris. Sinah sampun ambek brangti manah Britania Raya daweg punika nedeng buncah majeng ring krama Surabaya. Nenten ja marasa takut krama bala prajurit lan muda-mudi sajangkep wewidangan Surabaya ngawales nantang mangda sida matempur. Punika kacihnayang saking pidarta Bung Tomo tanggal 10 November 1945. Sinah sampun krama bala prajurit Surabaya satya jaga mabelapati nyujur kemerdekaan Indonesia. Wusan punika nenten prasida katambakin malih payudan mamargi ngantos ngawe akeh bala Surabaya padem lan punika makacihna paperangan sané kaageng sawusan proklamasi kemerdekaan Indonesia 17 Agustus 1945.

Pustaka[uah | uah wit]