Clekontong Mas

Saking Wikipédia
Cebur nuju navigasi Cebur nuju parerehan
Clekontong Mas
Tipébondrés
Séni pitaraBali
Budaya asalBali

Clekontong Mas (aksara Bali: clĕkontoŋ​mas·) utawi aran jangkep ipun Clekontong Mas Balinese Art Production, inggih punika seka bondrés saking Bali sané kasub antuk bebanyolan ipun, prasida nganggén tigang basa antuk Basa Bali dados basa utama. Seka bondrés puniki kaadegang tanggal 8 Oktober 2012, punika kepahan saking seka bondrés sadurungné Sengap Tompél Sokir Pokokné (STSP) miwah Luh Kembung taler Cablek, kapraginain olih tigang jadma, antuk parab ipun Tompél (I Komang Dedi Diana), Sokir (I Ketut Gedé Rudita), miwah Sengap (I Nyoman Ardika).

Sawilang anggota Clekontong Mas Balinese Art Production ipun madué ceciren sané khas, saking pabaktaan miwah cacingakan ipun, ceciren punika kapolihang saking para panglingsir bondrés, pinaka dados patuutan ipun. Pabaktaan miwah cacingakan Tompél malarapan saking topeng karipta olih penglisir sané riin, salanturné, Sokir malarapan saking tokoh-tokoh sané wénten ring pawayangan, taler Sengap malarapan pelanglingsir Bondrés Bali sekadi Dolar miwah Lolak. Tan wantah cacingakan kemanten, anggota ipun taker madué kawikanan soang-soang, Tompél wikan antuk sasolahan, selanturné Sengap wikan ring Agama khusus nyané Dharma Wacana taler Sokir sané wikan ring kasenian karawitan.[1]

Étimologi[uah | uah wit]

Kruna Clekontong sujatiné suksman ipun sarana upakara Hindu sané kanikayang genah stana Ida Sang Hyang Widhi Wasa, asapunika kruna Mas suksman ipun luih utawi mulia. Pikedeg nyané mangda Clekontong Mas manados genah, tan kemanten dados genah antuk seniman mara menawi seniman-seniman sané tiosan.[1]

Karya[uah | uah wit]

Saking pamahbah kaadegang ipun, Clekontong Mas Balinese Art Production sampun ngembasan makudang karya kakawitin saking Sabde Praya, Sugih Nagih, Balian Alihan, taler ring galah nampek puniki pacang ngawedar makudang pilem, silih tunggil ipun Clekontongmas The Movie – Nyi Rimbit.[1][2]

Pustaka[uah | uah wit]

  1. 1,0 1,1 1,2 Lebih Dekat dangan Clekontong Mas Balinese Art Production, Sebulan Bisa Pentas hingga 40 Kali, Tribun News Bali, kaakses 7 Méi 2021
  2. Clekontong Mas Main Layar Lebar, Film Genre Horor Komedi Rilis 2020 Mendatang, Tribun News Bali, kaakses 7 Méi 2021

Pranala jaba[uah | uah wit]