Adi Parwa
| Adi Parwa | |
|---|---|
| Bali | |
.jpg) | |
| Aran liyanan | ᵒadipaŕwa |
| Soroh | Itihasa |
| Kawedar kapertama ring | Pidpid, Abang, Karangasem |
| Basa(-basa) | Basa Kawi |
| Juru tulis | Ida Pedanda Ketut Oka |
| Kasusun olih | Petrus Josephus Zoetmulder |
| Lakaran | don ental |
| Ukuran | 53,4, 46, 67,5, 31 miwah 25,5 cm x 3,7, 3,9, 3,4, 3,2 miwah 3,5 cm |
| Format | Kakawin |
| Aksara | Aksara Bali |
| Daging | Epos Mahabharata |
| Lempir | 62, 83, 108, 199 miwah 44 |
| Ngranjing Koleksi ring | Kapustakaan Kantor Dokuméntasi Budaya Bali, Sawan, Balai Bahasa Bali miwah Perpustakaan Kongres Amerika Serikat |
| Klasifikasi Gedong Kirtya | Itihasa |
Adi Parwa (basa Sanskerta: आदिपर्व, Ādiparva) inggih punika lontar indik parwa ring Mahabharata sané nyaritayang lalintihan kawitan para Pandawa miwah Korawané. Payudan wadwa Pandawa miwah Korawa rawuh sawetara 5.000 warsa sané sampun lintang ring India tur kasurat olih Rsi Wedawyasa dados Epos Mahabharata. Wenten 100.000 sloka ring Mahabharata, sané kabantih antuk plakutus Parwa sargah ageng. Suang-suang parwa madué pahpahan sané kabawos kanda. Adi Parwa punika pahpahan kapertama Mahabharata. Kabawos irika, ida makasami wantah warih Candrawangsa, sanak palalintihan Wulan. Ring purwakala, manusané ring jagate kaperintah olih raja-raja sané suci saking kalih palalintihan, inggih punika saking Bhatara Surya miwah Bhatara Candra. Nika mawinan watek para rajané dumunan doh luhuran saking watek para janma biasa.
Adi Parwa utamannyané maosin indik pangwerdian jagate sami, pangrawuh awataran Ida Hyang Widhi ring yuga-yuga sadurungnyane, weton para Pandawa miwah Korawane, nyantos embas Ida Maharsi Krishna Dwaipayana Wyasa sané wantah silih tunggil awataran Ida Hyang Widhi makadi maharsi sané pinih kasumbung olih para krama Hinduné sajebag jagat. Bantihan pinih utama saking Adi Parwa inggih punika carita indik metun Ida Sri Krishna, Hyang Widhi Wasa, tedun ring jagate puniki matetujon nyabdang kitab suci Weda Bhagavad-gita, silih tunggil bantihan Weda sané pinih utama mantuka ring para jana Hinduné sami.
Duk masa kaprabon Dharmawangsa ring panegara Panjalu ring Jawi, Adi Parwa kasalin basa ring basa Jawi kuna sinarengan antuk parwa-parwa sané lianan olih para pangawi daweg punika. Akudang pesengan genah ring basa Sanskerta kauwah kidik daweg ipun kasalin basa. Duaning proyék ageng indik panglimbak kasusastraan duk masa Dharmawangsa niki, akeh wastan genah ring Mahabharata kadadosang wastan genah ring Jawi nyantos mangkin.[1]
- ↑ Madé Widia, I Gusti. Adi Parwa. CV. Kayumas, Denpasar.