Tukad Mati
| Tukad Mati | |
|---|---|
 | |
| Genah | |
| Negara |  Indonésia |
| Propinsi | Bali |
| Ceciren fisik | |
| Ulun ka-1 | Sempidi |
| Loloan tukad | Celuk Benoa |
| Lantang | 22,49 km |
| Debit | 226,2 m³/detik |
| • minimum | 69,43 m³/detik |
| • maksimum | 303,66 m³/detik |
| Informasi lokal | |
| Zona galah | WITA (UTC+8) |
Mati inggih punika tukad sané magenah ring Kabupatén Badung miwah Kota Dénpasar, Bali, Indonésia. Tukad puniki yéning selehin saking kosmologis nglimbak saking Sempidi, dawan ipun 22,49 km[1][2]
Tukad Mati ngembak saking bukit kaduuran 80 m nampek Kalurahan Sempidi saking kalér nganti kelod, macampuh sareng Tukad Tebe ring ilir nampek Kuta miwah ngembak nganti Selat Badung. Tukad Mati punika silih tunggil tukad pakotaan sané khas antuk jimbar wawengkon tangkepan sabeh 38,4 km2 , lantang 20 km, miwah kaméréngan tukad I=1/400.[3]
Tukad puniki ngembak saking sisi tengah kelod nuju kelod nusa Bali sané maiklim wana sabeh tropis (kode: Af mawit klasifikasi iklim Köppen-Geiger).[4]
| Tukad Mati | ||||||||||||||||||||||||||||||||||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| Grapik iklim (pesuluh) | ||||||||||||||||||||||||||||||||||||||||||||||||||||||||||||
| ||||||||||||||||||||||||||||||||||||||||||||||||||||||||||||
| ||||||||||||||||||||||||||||||||||||||||||||||||||||||||||||
Rasio urbanisasi ring wawengkon Tukad Mati nganti sawatara 50% miwah kacawang kirang langkung 80% ring masa sané pacang rauh, makéh sané ngarereh genah becik kaanggén paumahan kakait sareng genah sané becik, taler ring masa sané pacang rauh pacang nganti 80% saking wawengkon tukad.
Tan wénten tanggul miwah saluran sané cupek saking Bendung Ulun Tanjung ring ilir nganti Bendung Umadui ring ulun tukad. Mawit rencana pabecikan tukad olih Pamréntah Indonésia, wewengkon sané kaiterin olih Tukad Mati miwah panak tuka nyané punika Tukad Lebakmudin ring ulu saking Bendung Umadui pacang kadésain antuk telaga olakan kaanggén pangendalian blabar.[3]
Makéh blabar sané wénten kaulang-ulang ring miwah nampek Tukad Mati saking warsa 1979 sané sampun kacatet. Ring 4 Maret 1984, wawidangan Monang Maning, Suwung miwah Pamecutan sané magenah ring wawidangan Tukad Mati kamémém toya kacawang jimbar nyané punika 700 ha miwah kadalemaan 0,3 m sawatara kalih rahina. Antuk mingindarin karusakan mawinan blabar, kamargiang rencana pangendalian blabar katetapang miwah pabecikan tukad sekadi pangedukan dasar tukad, pabecikan tebe tukad miwah normalisasi sungai.[3]
Ring tukad Mati kawéntenan asiki bendungan, inggih punika Bendungan Tukad Mati sané puput warsa 1984 antuk debit toya 0.718 m3/detik. [7]
Ring tukad puniki akéh keni pancemaran kautama luu plastik, nénten kémanten ngamatiang soroh satwa irika, pancemaran plastik punika ngamatiang soroh entik-entikan sekadi mangrove. Ring Tukad Mati pinaka wana mangrove sané pinih jimbar ring Bali, sané mangkin kaancem olih parilaksana manusa miwah pancemaran.[8]
Pancemaran toya ring tukad puniki mawinan tingkat urbanisasi sané makéhang ring wawengkon tukad, ring ilir nyané kantun rumasuk kategori I utawi kantun dados kaanggén toya baku, ring ulun sampun rumasuk kategori II miwah III. Asal limbah inucap saking partanian, paternakan miwah saking wawengkon urban.[9]
- ↑ PEMBANGUNAN PRASARANA PENGENDALI BANJIR TUKAD MATI DI KAB.BADUNG DAN KOTA DENPASAR., Balai Wilayah Sungai Bali Penida, kaarsipin saking versi asli tanggal 2021-08-15, kaaksés 15 Agustus 2021
- ↑ Nama-Nama Sungai dan Panjangnya Menurut Kabupatén/Kota di Provinsi Bali, BPS Provinsi Bali, kaaksés 15 Agustus 2021
- ↑ 3,0 3,1 3,2 "Bab 4 Fasilitas Pengendalian Banjir untuk Sungai Badung dan Sungai Mati" (PDF), The Comprehensive Study on Water Resources Development and Management in Bali Province (ring Indonesia), Japan International Cooperation Agency
- ↑ Peel, M C; Finlayson, B L; McMahon, T A (2007). "Updated world map of the Köppen-Geiger climate classification". Hydrology and Earth System Sciences. 11. doi:10.5194/hess-11-1633-2007.
- ↑ "NASA Earth Observations Data Set Index". NASA. 30 January 2016. Kaarsipin saking versi asli tanggal 6 August 2013. Kaaksés 15 August 2021.
- ↑ Cuaca Rata-rata in Legian Indonésia, weatherspark.com, kaaksés 25 Agustus 2021
- ↑ Nama-Nama Bendungan dan Kapasitasnya Dirinci Menurut Kabupatén/Kota di Provinsi Bali, BPS Provinsi Bali, kaaksés 15 Agustus 2021
- ↑ Cerita Dolphi Penyelamat Tukad Mati Penerima Kalpataru, Mongabay.co.id, kaaksés 25 Agustus 2021
- ↑ Putra, I Kadek Ardi; Suyasa, I Wayan Budiarsa; Dharma, IGB Sila (2017), "Penetapan Daya Tampung Beban Pencemar Tukad Mati di Kabupatén Badung Dengan Model Qual2kw 5.1", ECOTROPHIC Jurnal Ilmu Lingkungan (Journal of Environmental Science), 11 (2): 87-93, doi:10.24843/EJES.2017.v11.i02.p11