Tukad Ayung
| Tukad Ayung Sungai Ayung Jeh Ajung, Tukad Ajung, Yeh Ayung | |
|---|---|
 | |
| Genah | |
| Negara | Indonésia |
| Propinsi | Bali |
| Kota | Dénpasar |
| Kecamatan | Sanur |
| Ceciren fisik | |
| Ulun ka-1 | |
| • genah | Kintamani |
| • koordinat | 8°15′29″S 115°19′43″E / 8.258056°S 115.328611°E |
| Loloan tukad | Selat Badung |
| - genah | Sanur |
| - koordinat | 8°39′08″S 115°16′21″E / 8.6522°S 115.2725°E |
| - elevasi | 0 m (0 ft) |
| Lantang | 68.5 km (42.6 mi) |
Tukad Ayung inggih punika tukad sané pinih dawa ring Bali. Tukad Ayung pinika ngembak sawatara ±68.5 km[1] saking kintamani, Bangli ngelewatin Badung, Gianyar miwah Kota Denpasar taler loloan ipun ring Pantai Padang Galak, Kesiman[2]. Tukad puniki kasub antuk genah rafting ring Bali[3].
Tukad Ayung ngembak saking pegunungan kintamani ring kalér ngantos kelod ngeliwatin kabupatén Gianyar, kabupatén Badung miwah Kota Denpasar taler ngelimbak ring pantai padang galak, Kesiman. Daérah Aliran Sungai (DAS) Ayung jimbarnyané kirang langkung 109,30 km²[4] sareng anak sungai jimbarnyané 300,84 km² (kirang langkung 30.000 ha). Tukad Ayung langtangnyané kirang lankung 68,5 km. Ring wewidangan hulunyané tukad ayung terdiri antuk tiga anak sungai sané ageng inggi punika tukad Bangkung sané maulu ring Pelaga, tukad Menggani sané maulu ring wewidangan Catur, miwah tukad Siap sané maulu ring wewidangan Kintamani. Katiga anak sungai punika katemu ring wewidangan Payangan.
Wewidangan DAS ayung madué suhu taunan caruk 18,4 °C-26,6 °C kapangarugin antuk tegehnyane. Ulung sabeh taunan ring ulu DAS ayung kirang langkung 1963–3242 mm. Nyangsan katebén ulng ujan nyangsan kidikan. Ring wewidangan tengah ulung sabehnyané inggih punika 1998–3176 mm wit dina sabeh kirang langkung 105 dina-128 dina. Ring wewidagan teben inggih punika ring Kota Denpasar ulung sabeh taunan wantah akidik inggih punika 1486 mm miwah dina sabehnyané 69 dina.
Sandah caruk DAS ayung inggih punika 13,13%, nika masukma wewidangan punika cukup sandah.
- ↑ (Indonésia) Tim Penyusun. Rencana Pengelolaan Secara Terpadu Daérah Aliran Sungai Ayung. Bappeda Provinsi Bali. 2002.
- ↑ Tukad Ayung at Geonames.org (cc-by); Last updated 2012-01-17; Database dump downloaded 2015-11-27
- ↑ "SUNGAI AYUNG". Bali Tours Club. Kaaksés 2020-03-15.
- ↑ "Nama, Panjang dan Luas DAS Sungai-sungai di Provinsi Bali" (pdf). 2013. Diakses tanggal 05 Juli 2013.