Tari Baris Dadap
 | |
|---|---|
 Tari Baris Dadap saking Désa Pakraman Cempaga | |
| Genre | Sakral |
| Instrumen | Gamelan |
| Saking | Bali, Indonésia |
Tari Baris Dadap (aksara Bali: barisdadap·) silih tunggil sesolahan Baris, kasolahang olih 4-8 lanang sané sampun kelih utawi mayusa langkung 17. Sesolahan puniki sesolahan payudaan. Para pragina makta sanjata marupa tombak alit miwah taméng sané mawentuk sekadi jukung, kekalih nyané malakar saking taru dapdap, mawinan punika kawastanin Tari Baris Dadap. Sesolahan puniki ketah kairingi olih sesolahan tapel (Taksu Banyol Masolah) sané matetujon antuk ngatentremang bhuta kala. Teges ipun saking sesolahan Baris Dadap puniki parlambang bala yuda sané gagah bani mayuda antuk dharma.[1][2]
Ring akéh wawengkon ring Bali, Baris Dadap puniki ketah wénten ring upakara déwa yadnya miwah manusa yadnya, sekadi ring Désa Pakraman Kebung miwah Désa Pakraman Cempaga. Sesolahan Baris Dadap puniki wagian saking Tawur Agung ring désa punika.[2][3]
Pragina sané jagi masolah patut nganggé kuaca miwah jalér mawarna petak. Selantur nyané kamben petak miwah saput kuning. Ring wagian prabu nganggén gelung sané kakaryanin saking kain miwah prada. Wénten taler kain bang lantang sané kalilitang nyilang ring bahu wagian kiwa. Lilitan kain punika mawiguna antuk magenahang sanjata marupa tombak alit asapunika pacang kaselipin riing wagian punduk pragina.
Ring sesolahan punika, pragina Baris Dadap pacang masolah marep petang utawi kutus mata angin. Kapertama ring kalér, selantur nyané kangin, wawu kelod miwah kauh, punika kamargiang petang iteran, sesampuné sinamian puput pacang mawalik malih ring kelod. Ring wagian utama pragina pacang masolah laksanané sané nénten kagentosin sakingpanyatusan warsa. Sesolahan alon miwah sairama antuk sapa galah ipun ngamainang sanjata marupa tumbak miwah tameng. Punika marep ring petang utawi kutus mata angin. Ring ungkur, pragina pacang marep kelod sadurung ngawalikang tumbak miwah tameng ring peti.[2]
Wénten Giying miwah Kendang sané kagamelang kalih jatma. Gendér kamainang olih petang jatma. Kantilan kamainang petang jatma. Céng-céng kamainang enam olih jatma. Juglak kamainang kalih olih jatma. Réong kamainang limang jatma. Rompong, klenang, tawa-tawa, jegong, gong, kempul, miwah bendhe kamainang olih satunggal jatma.[2]
- ↑ (Indonésia) Tari Baris Dadap, Dinas Kebudayaan Kabupatén Buléléng, kaaksés 27 November 2020[permanent dead link]
- ↑ 2,0 2,1 2,2 2,3 (Indonésia) Asykur Anam, Baris Dadap Tari Sakral Pengusir Kejahatan, balebengong.id, kaaksés 27 Nopémber 2020
- ↑ (Indonésia) Tari Sakral Désa Cempaga, Dinas Kebudayaan Kabupatén Buléléng, kaaksés 27 November 2020[permanent dead link]