Sukawati, Sukawati, Gianyar
8°35′30″S 115°17′08″E / 8.591750°S 115.285561°E
| Sukawati | |
|---|---|
 Peta genah Désa Sukawati | |
| Negara |  Indonésia |
| Propinsi | Bali |
| Kabupatén | Gianyar |
| Kecamatan | Sukawati |
| Pamréntahan | |
| • Perbekel | Dewa Gedé Dwi Putra |
| Kodepos | 80582 |
| Kode Kéméndagri | 51.04.01.2004 |
| Jimbar | 7,35 km²[1] |
| Akéh krama | 14.803 diri (2014)[1] 12.572 diri (2010)[2] |
| Kepadetan | 1.711 diri/km²(2010) |
| Akéh KK | 2.962 KK[1] |
Désa Sukawati inggih punika silih tunggil désa sané wénten ring wawengkon Kecamatan Sukawati, Kabupatén Gianyar, Provinsi Bali, Indonésia.[3]
Désa sané madué jimbar wawidangan 735 Ha désa niki kakepah manados; lahan partanian miwah bangket majimbar 387 Ha, sapunika sisané 358 Ha marupa paumahan.[4]
Wates-wates wewidangan Désa Sukawati sekadi puniki:
| Kalér | Désa Batuan |
| Kelod | Désa Guwang |
| Kauh | Désa Celuk |
| Kangin | Désa Saba |
Manut babad, désa Sukawati wantah sekadi désa-désa sanén lianan, ring pangawitné wantah alas bet. Désa Ketéwél punika alas nangka, désa Rangkan ring pangawit alas tenget, désa Guwang, ring pangawitnyané alas girang, risedek désa Sukawati punika mula wénten alas. Manut ring Babad Timbul Sukawati, pepalihan alas sané mapuara dados Désa Sukawati kabaosang ring sor:
Daweg sawatara abad ka-18, wewidangan ring sor Krajaan Mengwi sané kawangun antuk sekaa témpék padésaan sané ngranjing; Cahu Pegaman, Abasan, Langge lan Laud kaserang olih wabah "Gring Grubug" sané ngawinang akéh séda. Bencana punika kaawinang olih “Pangrista” ilmu pangiwa Ki Balian Batur sané meneng ring alas teledu nginyah utawi karang kadangkan, Ki Balian Batur rauh saking kulawarga Sengghu Wintang Danu (Lebah Danu Batur).
Uning indik punika Raja Mengwi Ki Gusti Agung Ngurah Agung Madé Agung mapuspata Tjokorda Sakti Belambangan punika kroda tur nyelehin makesami para wikan pangiwa Krajaan Mengwi mangda prasida ngaonang Ki Balian Batur, sakémanten Ki Balian Batur nénten prasida kakaonang. Raja Mengwi ngamuk, sang sane wibuh yuda Ki Bendésa Gumyar kasidihin antuk keris pusaka Ki Pupug Jaya, malih apisan Mengwi patut ngangken kautaman Ki Balian Batur.
Ring suasana punyah kamenangan, tutur-tutur sané nyumbungang indik Ki Balian Batur sané katiba ring dané antuk sarwa sanjata, sajawaning senjata pusaka ring Klungkung sané kawastanin Ki Seliksik Narantaka. Indiké punika katur olih Ki Bendesa Gumyar ring Raja Mengwi, risampuné kapikayunin ring galah punika pateh sekadi Ida digelis nangkil nuju Dalem.
Ida Dalem lédang ngapica pinunasan Raja Mengwi, tur ngutus Purtranda I Déwa Agung Anom mangda ngeseng kahuripan Ida Balian Batur sareng sanjata pusaka Ki Sliksik Narantaka. Satua cutetné séda ipun Ki Balian Batur sareng kulawargané miwah para wantané sami.
Nyawis yasa, Raja Mengwi nunas Dalem, mungguing purtranda pinaka I Déwa Agung Anom mangda kalédangan kaangkat dados ratu ring Gumi Timbul, antuk pinunas punika Dalem lascarya, I Déwa Agung Anom taler manutin titah ajinné Dalem.
Ring galah karya Agung Agung Ngenteg miwah Pamungkah ring Pura Penataran Agung, ramé punika kalaksanayang 1 bulan 7 dina. Akéh "penalu" sané rauh lan milih meneng ring guminé metu santukan ipun seneng pisan sareng mebalih lan suara gamelan sane kagebug selantang rahina. Satata ipun rumasa bagia, antuk urati ring manah nututin para janané akéh. Dalem lédang nguah aran Timbul manados Sukaadnyana, sané kaartosang dados Sukati. Sajeroning panglimbak salanturnyané, pabaosan punika kagentosin dados Sukawati ngantos mangkin.[5]
Wewidangan Désa Sukawati madué pat welas dusun utawi banjar dinas, inggih punika:[6]
- Dusun Gelumpang
- Dusun Gria
- Dusun Telabah
- Dusun Palak
- Dusun Tebuana
- Dusun Delodtangluk
- Dusun Gelulung
- Dusun Pekuudan
- Dusun Bedil
- Dusun Tameng
- Dusun Delodpangkung
- Dusun Mudita
- Dusun Babakan
- Dusun Kebalian
Mawit adat ring Désa Sukawati kagenahin olih Désa Pakraman Sukawati, antuk kepahan banjar adat ipun pateh sekadi kepahan ring désa dinas nyané.[6]
Ring warsa 2014, akéh krama ring désa Sukawati (proyéksi BPS) kirang langkung 14.803 diri sané kakepah antuk 7.312 lanang miwah 7.491 istri, taler tingkat sex rasionyané kirang langkung 97,61.[1]
Akehnyane pangupa jiwa wargi désa wantah wiraswasta, wargi désa ketahnyané makarya dados dagang makudang-kudang karya seni lan kerajinan ring Pasar Seni Sukawati, tiosan ring perdagangan wénten industri rumah tangga, jasa lan taler seniman minakadi tari, seni tabuh, ukiran, arsitéktur, wayang lan kerajinan pérak, panyading ipun punika wenten taler wargi sané makarya dados petani agraris.[4] Ring sisi agraris désa dados pangasil temako sané pinih akéh ring Propinsi Bali.[7]
- ↑ 1,0 1,1 1,2 1,3 "Kecamatan Sukawati dalam Angka 2016" (ring Indonesia). Badan Pusat Statistik Indonésia. 2016. Kaaksés 16 Désémber 2018.
- ↑ "Penduduk Indonesia Menurut Desa 2010" (PDF) (ring Indonesia). Badan Pusat Statistik. 2010. p. 132. Kaaksés 14 Juni 2019.
- ↑ "Peraturan Menteri Dalam Negeri Nomor 137 Tahun 2017 tentang Kode dan Data Wilayah Administrasi Pemerintahan". Kementerian Dalam Negeri Républik Indonésia. Kaaksés 3 Oktober 2019.
- ↑ 4,0 4,1 "SIM KKN | Universitas Udayana". kkn.unud.ac.id. Kaaksés 2025-06-25.
- ↑ "SISTEM INFORMASI DESA SUKAWATI". sukawati.desa.id (ring Inggris). Kaarsipin saking versi asli tanggal 5 Juli 2015. Kaaksés 2025-06-25. Unknown parameter
|dead-url=ignored (help) - ↑ 6,0 6,1 Data Désa Adat Kabupatén Gianyar, NangunSatKertiLokaBali.com, kaarsipin saking versi asli tanggal 2 December 2020, kaaksés 9 November 2020
- ↑ Mendala, Ewik (2019-01-31). "Subak Ageng Sukawati, Salah Satu Kawasan Pertanian Tembakau". BALIPOST.com (ring Indonesia). Kaaksés 2025-06-26.
- (Indonésia) Situs Resmi Propinsi Bali Archived 2023-08-20 at the Wayback Machine
- (Indonésia) Badan Pusat Statistik Propinsi Bali
- (Indonésia) Situs Resmi Kabupatén Gianyar Archived 2023-07-30 at the Wayback Machine
- (Indonésia) Badan Pusat Statistik Kabupatén Gianyar
cutetan: URL dados kauahin/ilang. Yening URL nenten aktip, ngiring kaapus saking lis.
