Cebur nuju daging

Batubulan, Sukawati, Gianyar

Koordinat: 8°36′45″S 115°15′13″E / 8.612499°S 115.253655°E / -8.612499; 115.253655
Saking Wikipédia

8°36′45″S 115°15′13″E / 8.612499°S 115.253655°E / -8.612499; 115.253655

Batubulan
Désa
Peta
Peta genah Désa Batubulan
Negara Indonésia
PropinsiBali
KabupaténGianyar
KecamatanSukawati
Pamréntahan
 • PerbekelDewa Gedé Sumertha, SH.,MH.
Kodepos
80582
Kode Kéméndagri51.04.01.2001
Jimbar6,44 km²[1]
Akéh krama21.443 diri (2014)[1]
28.131 diri (2010)[2]
Kepadetan4.369 diri/km²(2010)
Akéh KK4.289 KK[1]

Désa Batubulan inggih punika silih tunggil désa sané wénten ring wawengkon Kecamatan Sukawati, Kabupatén Gianyar, Provinsi Bali, Indonésia.[3]

Géograpis

[uah | uah wit]

Wates Wewidangan

[uah | uah wit]

Wates wewidangan administratip Désa Batubulan minakadi:

Kalér Désa Celuk miwah Singapadu
Kelod Désa Kesiman Kertalangu miwah Selat Badung
Kauh Désa Penatih Dangin Puri miwah Penatih
Kangin Désa Batubulan Kangin miwah Désa Ketéwél

Lelintihan

[uah | uah wit]

Nganggit saking makudang wit minakadi Babad, Arsip, Literatur saha Informasi, sapunika garis ageng lelintihan Batubulan prasida kakepah manut papat aab sekadi punika : (1). Aab Kerajaan, (2). Aab Panjajahan, (3). Aab Kamahardikaan tur (4). Aab Mangkin.[4][5]

Aab Krajan

[uah | uah wit]
Puri Batubulan ring aab Hindia Welanda

Nganggit saking silih tunggil babad, kanikayang pamerontakan I Gusti Agung Maruti sawatara abad XVII ring krajan Gegel, Klungkung. Ring tengah-tengah pamerontakan punika satunggil panunggang jaran nuduk pianak sané salanturné kaempu olih I Gusti Ngurah Bija saking Penatih miwah I Gusti Ngurah Jambé Pulé saking Krajan Badung. Raja Badung daweg nika ngaptiang, pinaka pianak kaduduk punika kamanjingang ring kalesan sapunika ida kaparabin Déwa Agung Kalesan. Ring sujatiné punika oka saking kulawarga warih Dalem Sagening. Sesampun Déwa Agung Kalesan sampun kelih, antuk pasuwécan raja ida kaicain ngawangun puri sané magenah ring sisi kangin krajan Badung kasarengin makudang pangiring. Daweg panarukan alas, Déwa Agung Kalesan nyingakin satunggil watu sané masunar sekadi bulan lan olih ida genah punika kaaranin Batubulan, ring genah puniki Déwa Agung Kalesan sareng para parekan ipun meneng antuk ngamong pameréntahan taler ngajimbarang wawidangan kakuasaan nganti nuju Batuyang lan Batuaji sané magenah ring sisi kangin Batubulan. “Batubulan” punika sané mangkin kasineb ring Mrajan Agung Batubulan.

Aab Panjajahan

[uah | uah wit]
Seniman ring Batubulan aab Hindia Welanda

Palimbakan pariwisata ring Bali sané wawu kakawitin daweg Abad ka-20 antuk rauhné kapal api Belanda sané kaloktah maparinama Konninklijk Paketvart Maatschapij (KPM) makta wisatawan ngarauhin Bali saking Labuhan Buléléng (Bali Kalér). Wawidangan désa Batubulan ritatkala aab nika kaloktah olih seniman tari lan ukiran, makéh para tamiuné ngarauhin désa mangda prasida nyingakin bebalihan sesolahan barong miwah sané liyanan tur numbas ukiran-ukiran.

Pamréntahan

[uah | uah wit]

Désa Dinas

[uah | uah wit]

Wewidangan Désa Batubulan madué nem welas dusun utawi banjar dinas, inggih punika:[6]

  1. Dusun Tegaltamu
  2. Dusun Pengembungan
  3. Dusun Tegaljaya
  4. Dusun Denjalan
  5. Dusun Batur
  6. Dusun Pagutan Kaja
  7. Dusun Pagutan Kelod
  8. Dusun Pegambangan
  9. Dusun Tubuh
  10. Dusun Kalah
  11. Dusun Buwitan
  12. Dusun Kapal
  13. Dusun Tegeha
  14. Dusun Menguntur
  15. Dusun Sasih
  16. Dusun Telabah

Perbekel

[uah | uah wit]

Puniki lis perbekel miwah plt sané kantun ngamong utawi polih ngamong Désa Batubulan.

No Wasana Perbekel Ket.
? 2013-2020 Déwa Gedé Sumertha,SH.MH [7][8]
2020-2026

Désa Adat

[uah | uah wit]

Mawit adat ring Désa Batubulan kakepah antuk tigang désa pakraman, inggih punika:[6]

Désa Pakraman Jro Kuta
  • Banjar Denjalan
  • Banjar Batur
  • Banjar Pagutan Kaja
  • Banjar Pagutan Kelod
  • Banjar Pegambangan
  • Banjar Telabah
Désa Pakraman Dlod Tukad
  • Banjar Tubuh
  • Banjar Kalah
  • Banjar Buitan
  • Banjar Kapal
  • Banjar Tegeha
  • Banjar Menguntur
  • Banjar Sasih
Désa Pakraman Tegaltamu
  • Banjar Tegal Tamu
  • Banjar Pengembungan
  • Banjar Tegaljaya

Démograpi

[uah | uah wit]

Ring warsa 2014, akéh krama ring désa Batubulan (proyéksi BPS) kirang langkung 21.443 diri sané kakepah antuk 10.818 lanang miwah 10.625 istri, taler tingkat sex rasionyané kirang langkung 101,82.[1]

Infrastruktur

[uah | uah wit]

Sapunika wénten akéh infrastruktur ring Désa Batubulan, paindikan puniki kakepah dados tiga widang luiré :[9]

Umum

[uah | uah wit]

Kantor Pameréntahan Désa wénten asiki Ruang Perbekel, Ruang Sékrétaris Désa, saha ruang Manggala Urusan, wénten lobby lantai dasar sapunika asiki ruang rapat kapasitas 100 jadma, asiki ruang perpustakaan, sékrétariat BPD, sékrétariat LPM lan sékrétariat PPK taler Karang Taruna tur Hansip. Lapangan Sépakbola sané prasida kaanggén olahraga tiosan sépakbola rumasuk paindikan sané kakait sareng Désa Batubulan becik ring parlaksana kadinesan tur adat istiadat. Wénten taler Bacingah kantor perbekel sané kacihnain antuk taru bingin, marga dados genah transportasi Desa Batubulan sané becik santukan Désa Batubulan kaentasin olih marga nasional sané ngubungang Kota Dénpasar lan Kabupatén Gianyar.

Pariwisata

[uah | uah wit]

Désa Batubulan madué asiki panggung bebalihan antuk tari Barong ring wawidangan wisata Pura Puseh Batubulan. Panggung-panggung druén sekaa wénten 6, punika wénten lima panggung Barong lan asiki panggung Génjék lan Jogéd.

Paajahan

[uah | uah wit]

Sekolah ring désa Batubulan akéhné 1 Sekolah SMA Swasta, 3 SMK Negeri, 1 SMK Swasta, 2 SMP Swasta, 6 Sekolah Dasar Negeri, 2 SD Swasta, 12 TK Swasta.

Pustaka

[uah | uah wit]
  1. ↑ 1,0 1,1 1,2 1,3 "Kecamatan Sukawati dalam Angka 2016" (ring Indonesia). Badan Pusat Statistik Indonésia. 2016. Kaaksés 16 Désémber 2018.
  2. ↑ "Penduduk Indonesia Menurut Desa 2010" (PDF) (ring Indonesia). Badan Pusat Statistik. 2010. p. 132. Kaaksés 14 Juni 2019.
  3. ↑ "Peraturan Menteri Dalam Negeri Nomor 137 Tahun 2017 tentang Kode dan Data Wilayah Administrasi Pemerintahan". Kementerian Dalam Negeri Républik Indonésia. Kaaksés 3 Oktober 2019.
  4. ↑ Pratiwi, Ni Komang Rahma (2024-01-23). "Perubahan Ruang Desa Budaya Batubulan". BaleBengong.id (ring Indonesia). Kaaksés 2024-06-05.
  5. ↑ Aguznewrockcity (2015-06-06). "Desa Batu Bulan Gianyar Bali: Sejarah, Visi dan Misi Desa Batubulan". Desa Batu Bulan Gianyar Bali. Kaaksés 2024-06-05.
  6. ↑ 6,0 6,1 Data Désa Adat Kabupatén Gianyar, NangunSatKertiLokaBali.com, kaarsipin saking versi asli tanggal 2 December 2020, kaaksés 9 November 2020
  7. ↑ Aguznewrockcity (2015-06-06). "Desa Batu Bulan Gianyar Bali: Profil Kepemerintahan". Desa Batu Bulan Gianyar Bali. Kaaksés 2024-06-05.
  8. ↑ SuaraDewata. "Bupati Mahayastra Lantik 29 Perbekel". www.suaradewata.com (ring Indonesia). Kaaksés 2024-06-05.
  9. ↑ Aguznewrockcity (2015-06-06). "Desa Batu Bulan Gianyar Bali: Fasilitas Desa Batubulan". Desa Batu Bulan Gianyar Bali. Kaaksés 2024-06-05.

Pranala jaba

[uah | uah wit]

cutetan: URL dados kauahin/ilang. Yening URL nenten aktip, ngiring kaapus saking lis.

  Suratan sané matopik Désa ring Indonésia puniki kantun marupa rintisan. Ida dané dados ngawangun Wikipédia sambilang ngalimbakang.
Kapolihang saking "https://ban.wikipedia.org/w/index.php?title=Batubulan,_Sukawati,_Gianyar&oldid=197536"