Présidén Indonésia

Saking Wikipédia
Cebur nuju navigasi Cebur nuju parerehan
Présidén Républik Indonésia
Indonesian Presidential Seal gold.svg
Joko Widodo 2019 official portrait.jpg
Petahana
Joko Widodo

saking 20 Oktober 2014
GelarRing Basa Indonésia:
Bapak Présidén (informal)
Yang terhormat (formal)
Paduka Yang Mulia (nénten kaanggén malih)
KantorIstana Negara
Istana Merdeka
Istana Bogor
Istana Cipanas
Istana Yogyakarta
Istana Tampaksiring
Masa jabatan5 warsa, prasida kapilih malih 1
Kaadegang18 Agustus 1945
Pejabat kapertamaSoekarno
Situs webpresidenri.go.id

Présidén Indonésia (aran jabatan resmi: Présidén Républik Indonésia) punika manggala negara jangkep manggala pamréntahan Indonésia. Manados manggala negara, Présidén pinaka simbol resmi negara Indonésia ring jagat. Manados manggala pamréntahan, Présidén kawantu olih wakil présidén miwah baudanda ring kabinét, sané ngemel kakuasaan éksékutif antuk ngamargiang swadharma pameréntah sawilang rahina. Présidén (miwah Wakil Présidén) ngajabat lami inucap 5 warsa, miwah sasampuné parsida kapilih malih ring jabatan sané pateh antuk asiki aab jabatan.

Wewenang, kawajiban, miwah hak[uah | uah wit]

Wewenang, kawajiban, miwah hak Présidén riantara ipun:

  • Ngagemel kakuasaan Pamréntahan manut UUD.
  • Ngagemel kakuasaan pinih duur antuk Angkatan Darat, Angkatan Segara, miwah Angkatan Udara.
  • Ngajuang Rancangan Undang-Undang majeng Déwan Pawakilan Krama (DPR). Présidén ngamargiang pabaosan miwah paincaan pacumpuan antuk RUU sareng DPR taler ngacumpu RUU manados UU.
  • Ngatetapang Peraturan Pemeréntah Pagentos Undang-Undang (ring paindikan sané ngamaksa).
  • Ngatetapang Peraturan Pemerintah.
  • Ngangkat miwah ngarérénang saubanda.
  • Nganggihang yuda, ngardi padaméan miwah pilikita sareng negara liyanan sareng pacumpuan DPR.
  • Ngardi pilikita internasional liyanan sareng pacumpuan DPR.
  • Nganikayang paindikan marabaya.
  • Ngangkat duta miwah konsul. Ring ngangkat duta, Présidén nyingakin patimbangan DPR.
  • Nganerima pagenahan duta negara liayanan sareng nyingakin patimbangan DPR.
  • Ngicain grasi miwah réhabilitasi antuk nyingakin patimbangan Mahkamah Agung.
  • Ngicain rémisi, amnésti miwah abolisi antuk nyingakin patimbangan DPR.
  • Ngicain gelar, tanda jasa, miwah tanda kahormatan liyanan sané kaatur sareng UU.
  • Ngaresmiang anggota Badan Panuréksa Kajinahan sané kapilih olih DPR sareng nyingakin patimbangan Déwan Pawakilan Daérah.
  • Ngatetapang hakim agung saking calon sané kausulang olih Komisi Yudisial miwah kacumpuin DPR.
  • Menetapkan hakim konstitusi saking calon sané kausulang Présidén, DPR, miwah Mahkamah Agung.
  • Ngangkat miwah nyuudang anggota Komisi Yudisial antuk pacumpuan DPR.

Pustaka[uah | uah wit]

Pranala jaba[uah | uah wit]

Mal:Présidén Indonésia