Abdurrahman Wahid
| Abdurrahman Wahid | |
|---|---|
 Potrét resmi, kr. 1999. | |
| Présidén Indonésia ka-4 | |
| Masa jabatan 20 Oktober 1999 – 23 Juli 2001 | |
| Wakil Présidén | Megawati Soekarnoputri |
| Sadurungné | B.J. Habibie |
| Selanturné | Megawati Soekarnoputri |
| Pamucuk Umum PBNU | |
| Masa jabatan 1984–1999 | |
| Sadurungné | Idham Chalid |
| Selanturné | Hasyim Muzadi |
| Informasi pragaan | |
| Embas | Abdurrahman ad-Dakhil 7 Séptémber 1940 Jombang, Jawa Timur, Indonesia |
| Séda | 30 Désémber 2009 (yusa 69) Jakarta, Indonesia |
| Séda krana | Pinakit jantung koronér |
| Kawangsaan | Indonésia |
| Partai politik | PKB |
| Rabi | Sinta Nuriyah (k. 1968) |
| Oka |
|
| Rerama |
|
| Pakaryan | Ulama Politikus |
| Tanda tangan |  |
| Situs wéb | www |
Dr. (H.C.) K. H. Abdurrahman Wahid (embas mawatsa Abdurrahman ad-Dakhil; embas ring Jombang, 7 Séptémber 1940 – seda ring Jakarta, 30 Désémber 2009 ring yusa 69), utawi kaloktah antuk parab Gus Dur,[1] inggih punika tokoh Muslim Indonesia miwah politikus sané ngamong dados Présidén Indonésia kaping papat, sané ngentosin Présidén B.J. Habibie saking warsa 1999 ngantos 2001. Ida ngentosin Présidén BJ Habibie sawusan kapilih olih Majelis Permusyawaratan Rakyat (MPR) asil Pemilu 1999. Rikala ngelakasanayang pameréntahan dané kawantu olih Kabinet Persatuan Nasional.[2] Siosan ngamong pamucuk organisasi Nahdlatul Ulama, ida pinaka pangadeg Partai Kebangkitan Bangsa (PKB). Ida inggih punika putra Menteri Agama Wahid Hasyim, lan cucu saking pangadeg Nahdlatul Ulama, Hasyim Asy'ari.
Selami pameréntahané, Abdurrahman Wahid kaloktah sareng kawijakané sané nénten pasti lan pangapti sané visionér. Pingaruhné majeng Réformasi Indonésia nglingkubin pabébasan pérs sané langkung, kacihnain sareng pambubaran Kamenterian Panerangan daweg 1999. Abdurrahman Wahid mabuat ring ngaicalan larangan parayaan Warsa Anyar Imlék.[3] Ida taler manadosang Konfusianisme dados agama resmi kaenem ring Indonésia duk warsa 2000 lan ngabihin hak-hak minoritas ring Indonésia. Sesampun sarangkaian pamutus kontrovérsialné, sané nglikubin ngediang akéh menteri saking kabinet, hubungan becikné sareng Israél sané katentang olih akéh kalangan Muslim, ngantos maklumat kontrovérsialné sané matetujon antuk ngicalang parlemén; Majelis Permusyawaratan Rakyat (MPR) pamuputné ngamakzulang Abdurrahman Wahid daweg 23 Juli 2001 taler nujuk Megawati Soekarnoputri dados pangentosné.
Abdurrahman Wahid kahormatin jimbar dados satunggil guru bangsa lan pabéla Hak Asasi Manusa (HAM) kasub. Pameréntahané kaanggep ngabébasang jadma Cina Indonésia saking panindesan sané ipun polih selami Orde Anyar, lan makudang tokoh Cina ngicain gelar “Bapak Tionghoa”. Kawijakané sané ngadukung hak-hak minoritas lan padaméan ngeranayang ipun kaicain gelar “Bapak Pluralisme”. Paristiwa pamakzulané selanturné kaanggep dados parilaksana ngelawan hukum, lan akéh sané nganggep pinaka pamakzulan punika sepatutné nénten sah.
- ↑ "Gus Dur Wafat". Kompas. 30 Désémber 2009. Kaaksés 30 Désémber 2009.
- ↑ "Abdurrahman Wahid". luk.staff.ugm.ac.id. Kaaksés 2023-11-19.
- ↑ "Keputusan Presiden Republik Indonesia Nomor 6 Tahun 2000 - Wikisource bahasa Indonesia".