Mizoram

Mizoram (English: /mɪˈzɔːrəm/ ( renge)) inggih punika satunggil negara wagian ring India Kalér Kangin, antuk Aizawl dados pusat pameréntahan miwah ibukotané. Aran negara wagian puniki maasal saking "Mizo", parinama ngeraga saking panjak asli, miwah "Ram", sané ring basa Mizo maartos "tanah". Dadosné "Mizo-ram" maartos "tanah Mizos". Ring wawengkon kalér kangin India, punika dados negara wagian kakurung daratan pinih kelod, mawagi pawatesan sareng tiga saking Pitu Negara Semeton, punika Tripura, Assam miwah Manipur. Negara wagian puniki taler mawatesan 722-kilométer (449 mi) sareng negara pisaga Bangladésh miwah Myanmar.