Mangku Muriati
| Mangku Muriati | |
|---|---|
| Embas | 1967 (yusa 56–57) Klungkung, Bali, Indonésia |
| Mabangsa | Indonésia |
| Warsa aktip | 1990–mangkin |
| Kauningin | seniman lukis Kamasan |
Mangku Muriati (embas ring Klungkung, Bali, warsa 1967) wantah seniman istri Bali sané ngambar nganutin gaya tradisional saking désa Kamasan. Gaya Kamasan inggih punika wangun estetik sané ngambil satua wira carita wayang sekadi wayang kulit anggén bantang gambaran, sané akehan mawit saking satua Mahabrata miwah Ramayana.
Mangku Muriati wantah okan saking Mangku Mura 1920-1999, silih tunggil tukang gambar Kamasan. Duk alit dané nyarengin bapannyane ngambar miwah ngewarnen gambaran khas wayang ring Désa Kamasan, Klungkung.
Raris dané kuliah ring Program Studi Seni Rupa miwah Design PSSRD, Univérsitas Udayana Denpasar, Bali tur risampune lulus mawali ngambar gaya Kamasan ring jerone. Akeh seniman istri sané nelebin lukisan gaya Kamasan nenten makeh sekadi sané lanang. Ring warsa 1990 ri kala mayusa 32 warsa, Muriati kaadegang dados pamangku ring pura, pamerajan suci ring genahnyane meneng, banjar Siku, Kamasan.[1]
Ring Désané di Bali wantah ring Kamasan wangun seni tradisionale dereng kagentosin antuk gaya baru. Yadiastun kantun susatya marep ring seni rupa klasik ring Kamasan, ring pakardinnyane dané taler ngunggahang indik panglimbak sosial miwah politik ring Bali. Muriati mamilih magenah ring jerone banjar Siku, boya ring banjar Sangging sané dados genah para tukang gambar Kamasan ketah makarya. Dané sampun mabukti prasida kaandelang ring banjarnyane duaning pakardinnyane sampun kapesen miwah kaangen koleksi saking Indonésia utawi dura negara.[2]
- ↑ "Living traditions - Inside Indonésia". Inside Indonésia (ring Inggris). Kaaksés 2018-07-07.
- ↑ "Mangku Muriati - Australian Museum". australianmuseum.net.au (ring Inggris). Kaaksés 2018-07-07.