Joni Agung & Double T

Saking Wikipédia
Joni Agung & Double T
JulukanJoni Agung & 2T
JADT
SakingBali, Indonésia
Genre
Warsa aktip2003–mangkin
Personil
  • Joni Agung (vokalis)
  • Gung Mayun (keyboard)
  • Dek Alit (gitar)
  • Tilem (bass)
  • Rodi (drum)
  • Sandi Lazuardi (saksophoné & trompet)
Mantan personilCetu (drum)

Joni Agung & Double T inggih punika silih tunggil grup musik saking Bali, kaloktah antuk genre ipun sané metiosan sareng liyané, taler manados kapertama sané medué album reggaé mabasa Bali. Grup musik puniki madué nem personil, inggih punika: Joni Agung dados vokalis, Mayun dados keyboardis, miwah D'Alit dados gitaris, Tilem dados bassis, Rodi dados drummer, taler Sandi dados Saxophonis miwah Violinis.[1]

Joni nincapang manah ring musik saking warsa 1980-1990. Warsa 2003, Joni ngaryanang album musik kapertama sané mamurda "Pocol", gending "Nyoman Klepon" miwah "Janjin Beline" dados andalan.[2] Nganti mangkin, Joni sampun ngaryanang pitu album. Semara Ratih punika dados album pinih anyar sané kawedar.[3]

Personel mulané wénten Joni Agung (vokalis), Gung Mayun (keyboard), Dek Alit (gitar), Tilem (bass) miwah Cetu (drum). Cetu kagentosin olih Rody miwah wénten wewehan personil anyar Sandi Lazuardi (saksophone).[4]

Lelintihan[uah | uah wit]

Ring pamahbahnyané tembang magénré reggaé durung akéh ring Bali, panembang inucap wantah maktaang tembang saking dura negara. Tetembangan puniki kasenengin sareng Joni Agung, pamahbah nyané warsa 1990an ida nicapang manah ring génré reggaé, yadiastun akéh sané sané ngicaiin proyék tembang miwah album, krana génré punika tan manutin manah nyané proyék punika tan kaambil olih ida. Wawu ring warsa 2002 ida matemu sareng Double T sané ngarereh vokalis, hawanan vokalis sarung nyané sampun mantuk nuju negara ipun. Saking warsa punika seka gending puniki akéh ngaripta tembang becik, ngantos warsa 2003 kawedar album kapertama sané mamurda Pocol, kanikayang dados album reggaé kapertama sané mabasa Bali. Ring warsa 2014 seka puniki taler ngajimbarang kampid antuk ngaryanin tembang mabasa Indonésia, ring album Perbedaan Itu Indah, taler ngaripta tembang Basa Inggris sané mamurda Don't Setting My Life ring album Cinta & Kasih Sayang.[2]

Album[uah | uah wit]

Pustaka[uah | uah wit]

  1. Madé Adnyana, Sukses Joni Agung & Double T: Mungkin Alam Baru Merespon, mymusicbali.com, kaaksés 22 Agustus 2020
  2. 2,0 2,1 "Ini Kisah Joni Agung Jatuh Bangun di Jalur Reggae Bali". kumparan (ring Indonesia). Kaaksés 2020-09-30.
  3. Album "Semara Ratih" Joni Agung & Double T, Dedikasi untuk Penggemar ABG, Berita Bali, kaarsipin saking versi asli tanggal 2021-12-17, kaaksés 16 Désémber 2021
  4. "WIKI BALI - Joni Agung & Double T, Ikon Musik Reggae Berbahasa Bali". Tribun Bali (ring Indonesia). Kaaksés 2020-09-30.

Catetan[uah | uah wit]

Pranala jaba[uah | uah wit]