Ida Bagus Madé Togog
Ida Bagus Madé Togog (1913–1989) embas ring Désa Batuan, Sukawati, Gianyar. Sareng I Ngendon, ida silih tunggil pelukis kasub saking Batuan. Ten sekadi Ngendon, Ida nénten onéng majeng paindikan Kauh. Ida lila sareng tata cara kauripan miwah sradha jadma Bali. Embas ring kulawarga Ida Bagus, ida wikan paindikan lontar basa Bali miwah satua Bali. Pakaryan nyané kautama kaambil saking agama miwah mitos lokal saking sudut pacingkan ida miwah ida nyaritayang malih ring gegambaran nyané, sekadi ring dresta Wayang. Ajin gegambaran ida boya saking panggambaran utawi komposisi nyané, punika narasinya indik kabudayaan Bali miwha kauripan sané masikian ring Bali dados kategtegan riantara buana agung miwah buana alit, rintara atma becik miwah atma iwang.[1]
Mawit Wim Bakker, pelukis Welanda Rudolf Bonnét sané ngamanahang miwah ngartosang indik lontar Bali manados gegambaran.[2]
Pakaryan ida prasida kacunduk ring Tropenmuseum, Amsterdam miwah ring koléksi Rudolf Bonnet ring Museum Étnograpi, Leiden, Welanda. Ring Bali, pakaryan ida prasida kacingakin ring Museum Puri Lukisan miwah Museum Seni Agung Rai (ARMA) ring Ubud, Bali.
- ↑ Geertz, Hildred (1994). Images of Power: Balinese Paintings Madé for Gregory Bateson and Margaret Mead. University of Hawaii Press. ISBN 978-0-8248-1679-7.
- ↑ Höhn, Klaus (1997). Reflections of Faith: The History of Painting in Batuan, 1834-1994: The Art of Bali. Published by Pictures Publishers Art Books.
| Umum | |
|---|---|
| Perpustakaan nasional | |
| Lembaga penelitian seni | |
| Lain-lain | |
