Ida Bagus Gde Parwirta

Ida Bagus Gde Parwita
Embas	19 Nopémber 1960 Dusun Tihingan, Banjarangkan, Klungkung, Bali
Mabangsa	Indonésia
Kauningin	pangawi sastra Bali

Ida Bagus Gde Parwita (aksara Bali: ᵒidabagusgdepaŕwiŕta, embas ring Désa Tihingan, Klungkung, 19 Nopémber 1960;yusa 64) inggih punika Sarjana Pendidikan tur pengawi sastra Bali. Saking warsa 1980, dané sampun ngajahin ring SMP PGRI miwah SMA Pariwisata PGRI Klungkung. Ida sampun nyurat puisi tur ngalimbakang kaweruhanyané ring sesuratan saking sanggar Binduana. Pekaryanan ida sampun kawedar ring sajebag média daérah tur nasional sakadi Bali Post, Nusa Tenggara, Karya Bhakti, Burat Wangi, Canang Sari, Bali orti, tur berita Buana. Dané mangkin meneng ring Dusun Tihingan, Banjarangkan, Klungkung. Dané seneng nyurat nganggén basa Bali. Sesuratan dané sané kapertama kaanggén buku ring antologi puisi sané mamurda Puputé Tan Sida Puput (2001). Novél mabasa Bali sané mamurda Satwa Sutasoma sané kasurat miwah ngranjing ring Mingguan Prima (Mangkin mamurda Bisnis Bali) sané dados cerita bersambung.

Paica

• Juara kaping siki penulis ésai mabasa Indonésia sajebag Bali ring Balai Bahasa Dénpasar warsa 2001.
• Juara kaping tiga penyurat tembang Puputan Klungkung warsa 2001.
• Juara kaping siki penyurat tembang Puputan Klungkung warsa 2002.
• Ngamolihang Widya Pataka saking Gubernur Bali warsa 2009 antuk buku pupulan puisi Bali mamurdha "Wayang".

Ngawitin makekawian duk warsa 1980, tur polih nyarengin Forum Puisi Indonésia 87 ring TIM Jakarta Antologi Puisi Indonésia 1997 ring TIM Jakarta, Himpunan Penulis, Pengarang dan Penyair Nusantara(HP3N). Kakawian dané marupa puisi taler katerjemahang ka Basa Inggris ring Ubud Writers and Readers Festival. Sasuratan budaya Ida kawedar ring Nusa Tenggara warsa 1983, Mingguan Prima, Bali Post, Majalah Burat Wangi, Canang Sari, Bali Orti, miwah Majalah Onliné Suara Saking Bali.