Ida Ayu Nyoman Rai

Saking Wikipédia


Ida Ayu Nyoman Rai
Ida Ayu Nyoman Rai ri tatkala sampun sepuh
Embas(1881-01-01)1 Januari 1881
Kobér Belanda Buléléng, Bali, Hindia Belanda
Séda(1958-Mal:MONTHNUMBER-12)12 Séptémber 1958 (yusa 77)
Kobér Indonésia Blitar, Jawa Timur, Indonésia
MabangsaKobér Indonésia Indonésia
KauninginIbu Soekarno
KurenanRaden Soekemi Sosrodihardjo (k. 1897; meninggal 1945)
Oka
Rerama
  • Nyoman Pasek (Ajik)
  • Ni Madé Liran (Biang)

Ida Ayu Nyoman Rai inggih punika ibu saking présiden Indonésia sané kapertama, Soekarno. Ida Ayu Nyoman Rai embas kirang langkung warsa 1881. Dané wantah pianak kadua saking Nyoman Pasek miwah Ni Madé Liran. Ritatkala alit, reramannyané ngicénin wastan "Srimben" sané madué arti limpahan rezeki tur karahayuan saking Bhatari Sri. Ritatkala bajang ring Banjar Balé Agung, Nyoman Rai Srimben masawitran sareng Madé Lastri. Madé Lastri lantas memperkenalkan Nyoman Rai Srimben sareng guru Jawa sané mawasta Radén Soekemi Sosrodihardjo. Lantas dané ngantén ring warsa 1897, nanging durung polih restu saking makadadua reraman Nyoman Rai Srimben. Saking pawiwahan punika, dané madué putri mawasta Raden Soekarmini utawi Bu Wardoyo sané embas ring tanggal 29 Maret 1898. Lantas dané pindah ka Surabaya.

Embas Soekarno[uah | uah wit]

Ring tanggal 6 Juni warsa 1901, Nyoman Rai Srimben ngembasin Soekarno ring pondok wawidangan setra Belanda, kampung Pandean III, Surabaya. Nyoman Rai malajahang pianaknyané manut agama Hindu. Lantas, Nyoman Rai Srimben patut nginutin somahnyané pindah ka kota alit ring Kecamatan Ploso (Jombang). Drika pianaknyané satata sungkan. Sawireh punika, Nyoman Rai Srimben mapisah sareng Soekarno sané karawat tur kapiara olih matuannyané ring Tulung Agung. Ritatkala dané pindah ka Mojokerto, Soekarno kapiara malih olih ibunnyané. Lantas Nyoman Rai Srimben pindah ka Blitar tur kapisah malih sareng Soekarno sawiréh lakar masekolah ring Surabaya. Ring Blitar, Nyoman Rai Srimben meneng ring asrama sekolah, sané mangkin dados Sekolah Menengah Umum I Blitar. Drika Nyoman Rai kaprecaya ngurus asrama sekolah. Raden Soekemi séda ring tanggal 18 Méi 1945. Ida Ayu Nyoman Rai séda ring tanggal 12 Séptémber 1958.

Pustaka[uah | uah wit]

Pranala jaba[uah | uah wit]