I Wayan Dipta
| Kapten I Wayan Dipta | |
|---|---|
| Wastan embas | I Wayan Dipta |
| Embas | 11 April 1926 Désa Gianyar, Gianyar, Kabupatén Gianyar, Bali, Hindia Belanda |
| Seda | 12 April 1946 (yusa 20) Sukawati, Bali, Indonésia |
| Pengabdian | Indonésia |
| Dinas/cabang | Tentara |
| Pangkat | Kaptén |
Kaptén I Wayan Dipta embas 11 April 1926. Inggih punika pejuang pasca kemerdekaan Républik Indonésia, ring duk sané lintang ida dados Ketua Umum Pemuda Républik Indonesa (PRI), ida ketangkep miwah kapademang ring pinanggal 12 April 1946.[1] sané mangkin parab ida sampun dados aran margi miwah stadion ring Gianyar, menawi nganti mangkin ida durung polih gelar Pahlawan Nasional.[2]
Mawinan bapak nyané I Madé Bek dados juru tulis pamerintahan. I Wayan Dipta prasida masekolah nganti dura Bali ring Yogyakarta. Ring duk nika sinamian patut masekolah ring Vervolg School, ida masekolah ring Gianyar. Ketah nyané ring sekolah punika kapuputang kalih warsa, menawi ida prasida puput wantah awarsa. Taler kalédangang masekolah ring Taman Dewasa. Risampuné ida mangkat nuju Yogyakarta, masekolah ring Sekolah Menengah Tinggi (SMT) sepantaran SMA ring duk lintang.
Duk yuda revolusi 17 Agustus 1945, para sisya Jogja medal saking sekolah taler nyarengin mayuda. Dané nyarengin ngapertahanang kemerdekaan tanah air. Wayan Dipta magingsir Bali antuk nyarengin mayuda, ida nyarengin Badan Perjuangan ring Denpasar. Selanturnyané ida katugasang ring Gianyar. Ring duk lintang punika ida dados Ketua Umum Pemuda Républik Indonesa (PRI) Cabang Gianyar, sané sadurungné ketuanyané Tjokorda Putu (saking Puri Payangan). Pemuda Pembela Negara (PPN) sané kawentuk olih Puri Gianyar ngeranayang Kota Gianyar panes antuk konflik. Antuk baya punika Wayan Dipta kawuwus antuk mangingsir ring Denpasar. Ida keanter olih Tjokorda Agung saking Puri Singapadu. PRI resmi magenah ring Blabatuh.
Ida sareng liyané katangkep. Pandikan punika ring pinanggal 15 Maret 1946, risampuné Wayan Taweng sareng liyané kakirim ring Gianyar. Punika pinanggal 19 Maret 1946 Wayan Dipta keanter olih iring-iringan kendaraan tentara NICA tetujon Gianyar. Kapten Dipta kajemuh, kakeet, kegantung, raga nyané kedagingin don lateng, kasiram toya tabia, kaencehin, kaolesin tai miwah sané liyané. Menawi Ida wantah meneng nentén maswara, para PPN misuhin Wayan Dipta tetep ngejaga rahasia perjuangan. Nganti duk rahina bapa nyané, I Madé Bek katangkep miwah kasiksa ring ajeng nyané mangda Wayan Dipta maswara, ida tetep meneng.
Nganti pinanggal 12 April 1946 risampuné Wayan Dipta kearak mangelilingin Kota Gianyar ida kabakta ring Setra Gedé Sukawati sareng Ketut Lanus saking Banjar Tebuana, Sukawati. Ring betén bingin ida kapademang, penyingakan nyané katutup menawi ida nolak miwah mebaosan salam merdeka!, Ida sareng Ketut Lanus padem risampuné kabedil kaping kalih. Layon ipun katanem ring kalér Pura Dalem olih Wayan Nasa saking Banjar Palak Sukawati. Wayan Dipta saking Banjar Teges Kaja, Kelurahan Gianyar gugur ring umur 20.[1] Perjuangan ipun kalanjutang olih adik nyané Madé Japa, sané nyarengin Induk Pasukan Resimen Ngurah Rai.[2]
- ↑ 1,0 1,1 (Indonésia) Kapten Dipta Dulu Dikencingi lalu Dibunuh Kini Namanya Mendunia, Bali Express, kaarsipin saking versi asli tanggal 2020-01-19, kaaksés 7 Séptémber 2020
- ↑ 2,0 2,1 (Indonésia) Kapten Dipta Sempat Diusulkan Jadi Pahlawan Nasional tapi Mandek, Bali Express, kaarsipin saking versi asli tanggal 2020-01-07, kaaksés 7 Séptémber 2020