I Gusti Putu Antara

I Gusti Putu Antara (embas ring Pengastulan, Seririt, Buléléng, Bali, Indonésia, 4 April 1942;yusa 82) inggih punika silih tunggil pangawi saking Bali. Dané embas saking kaluwarga Jero Agung Pengastulan, Seririt. Sasampune lulus saking SGAN (1961), dané dados guru SD ring désa Pelapuan. Dané lantur malajah malih ring IKIP Malang cabang Singaraja (1962-1966). Dané ngmolihang gelar sarjana ring warsa 1971 saking Jurusan Pendidikan Bahasa miwah Sastra Indonésia. Dané lanturang masuk ring program Pasca-Kelulusan (setara S2) ring bidang General Linguistic ring Rijksuniversiteit, Leiden, Welanda (1979-1980). Ring warsa 1990, dané masuk S2 Pendidikan Bahasa Indonésia Pascasarjana IKIP Bandung, miwah nglanturang pendidikan S3 ring bidang Linguistik ring PPS Univérsitas Udayana, Dénpasar. Ring sasih Maret 2007, dané ngmolihang gelar Doktor Linguistik. Dané nglanturang dados dosen ring Univérsitas Pendidikan Ganésha.

Bibliografi

Karya pustaka miwah kasusastran ipun, inggih punika:

• Teori Sastra (1983)
• Gambaran Masyarakat dalam Puisi Orang Bali (1982)
• Apresiasi Puisi (1985)
• Sari Tatabasa Bali (1983)
• Gita Sastra Bali (1990)
• Sastra Bandingan (1998)
• Sistem Tatanama Orang Bali (1999)
• Masyarakat dalam Puisi Bali Modern
• Malancaran ka Sasak (Terjemahan novel karya Gedé Srawana, 1983)
• Rah (kumpulan puisi, 1983)
• Kaki-Kaki Langit (1985)
• Monumen itu Terletak di Pantai Buléléng (Jayanti Harapan III lomba cerpen se-Indonésia Balai Pustaka, 1990)
• Satria Kuladewa (kumpulan puisi, 1996)
• Ngwangun Karsa Saluiring Urip (Jayanti KApertama Lomba Satua Cutet, 1997)
• Cokorda Darma (Novel Bali modern saduran Don Quixotte, 2008)