Univérsitas Péndidikan Ganésha

Saking Wikipédia
Loncat ke navigasi Loncat ke pencarian

Universitas Pendidikan Ganesha inggih punika perguruan tinggi negeri sané wénten ring Kota Singaraja, Bali, Indonésia. Univérsitas puniki kalimbakang madasar antuk Pancasila miwah Undang - Undang Dasar 1945 sané nyunjung nilai - nilai kemanusiaan, ngamedalang tenaga kapéndidikan miwah tenaga non-kapéndidikan sané bertakwa majeng ring Tuhan Yang Maha Esa, madué kabisaan akadémis - profésional sané gangsuh, ngembangang kaweruhan, téknologi, miwah seni. Univérsitas Péndidikan Ganésha puniki Univérsitas Pendidikan pinih utama sané wénten ring Provinsi Bali utawi masuk 50 ageng Top Univérsitas ring Indonésia

Lelintihan[uah | uah wit]

Univérsitas Péndidikan Ganésha (Undiksha) puniki institusi péndidikan tinggi negeri sané ngamedalang sumber daya manusia ring bidang kapéndidikan lan non-kapéndidikan. Ring bidang kapéndidikan, Undiksha puniki ngamedalang sumber daya manusia pendidik sané pinih ageng ring Bali. Kantos mangkin Undiksha sampun akéh ngamedalang lulusan tenaga pendidik. Lelimpihan Undiksha kaawalin saking Kursus B-1 antuk nyadiayang Guru Basa Indonésia warsa 1955 lan Guru Perniagaan warsa 1957 antuk tingkat SMA. Ring warsa 1962 makakalih kursus punika kagabung dados Fakultas Keguruan lan Ilmu Pendidikan (FKIP) Univérsitas Airlangga. Ring warsa punika malih FKIP kagabung sareng Universitas Udayana, lan ring warsa 1963 dados kapahan IKIP Malang cabang Singaraja. Ring warsa 1968, FKIP kakepah dados duang fakultas, Fakultas Keguruan lan Fakultas Ilmu Pendidikan, lan malih dados bagian Univérsitas Udayana. Ring Warsa 1981, FKG lan FIP kagabung dados FKIP Univérsitas Udayana. Ring warsa 1993, FKIP pisah sareng UNUD dados STKIP Singaraja, lan warsa 2001 dados IKIP Negeri Singaraja. Salanturnyané IKIP Singaraja kauwah statusnyané dados Univérsitas Péndidikan Ganésha (Undiksha) antuk Peraturan Présidén Nomor: 11/2006, pinanggal 11 Méi 2006.

Pustaka[uah | uah wit]