I Gusti Nyoman Lempad

I Gusti Nyoman Lempad (aksara Bali: ᵒigustiñomanlĕmpad·, embas ring Bedahulu, Bali, 0 Désémber 1862 – seda ring Bali, 25 April 1978 ring yusa ) inggih punika silih tunggil palukis tradisional, pematung miwah undagi sané ngawangun istana miwah pura-pura ring Ubud. Dané embas ring Bedahulu, Bali kirang langkung warsa 1862. Nyoman Lempad malajah nglukis saking sang brahmana. Madasar antuk jemet idané, kasuén-suén gegambaran idané sayan kaloktah ring jagat Gianyar.

Sapanyeneng

Lempad nénten nyidang mamaca. Ida dané marabian daweg Gunung Krakatau makeplug duk warsa 1883 ri sedek ida mayusa salikur.

Daweg ida mayusa 40 warsa, ida kacunduk sareng Walter Spies, pelukis saking Rusia, sareng Lome Blair miwah Yohanes Darling, seniman Australia. Ida miwah pikaryan seni lukis idané kadokuméntasiang tur kasobyahang ring dura negara, utaminnyané ring Éropa. Antuk lukisan idané sané luih punika, Bali ngawit kaloktah ring jagat buléné. Sareng-sareng Walter Spies, ida ngaryanang kelompok seni lukis Pita Maha duk warsa 1930. Sanggar Dewata Indonésia ngaranin penghargaanne mawit aran Lempad Prize sané kaatur ring sang sané ngrambang kesenian Bali.

Ida lebar duk warsa 1978, daweg yusanida satus nem welas.

Karya

Patung Caturmuka ring catuspata Kota Dénpasar irika wantah silih tunggil pikaryan ida. Karya lukis I Gusti Nyoman Lempad dados kacingak ring Lempad House ring Ubud, Museum Seni Neka, miwah Pusat Seni Denpasar. Liyanan tekén ring Bali, lukisan-lukisan karya Lempad tasih dados kacingak ring dura negara, inggih punika: Tropenmuseum (Amsterdam), Rijkmuseum voor Volkenkunde (Leiden) miwah Museum fur Volkenkunda Basel (Jerman)