Duryodana (Déwanagari: दुर्योधन; ,IAST: Duryodhana,दुर्योधन) utawi Suyodana (Déwanagari: सुयोधन; ,IAST: Suyodhana,सुयोधन) inggih punika tokoh antagonis sane utama ring wiracaritaMahabharata. Kacaritayang, dane putra Dretarastra miwah Gandari sane pinih duur. Makakalih Raja miwah Ratu saking Keraton Kuru, inggih punika keraton kuna ring India Utara sane maibukota ring Hastinapura. Duryodana pinaka putra kapertama ri sajeroning satus Korawa, para putran Dretarastra. Duryodana nganten sareng putri Prabu Citranggada miwah Prabu Wasantraja saking Keraton Trilokapura miwah Citranggada saking Kalinga. Dane madue oka kalih diri, inggih punika mawasta Laksmanakumara (Lesmana Mandrakumara) miwah Laksmana (Lesmanawati). Yadiastun rabine nenten kasambat wastannyane ring carita Mahabharata sane mabasa Sanskerta, nanging dane kasambat Banumati miwah Mayuri ring carita India, utawi Banowati miwah Mayuriwati ring lakon pewayanganJawa.[1]
