Dodol

Saking Wikipédia
Loncat ke navigasi Loncat ke pencarian
Dodol
Dodol Top View.jpg
Dodol Bali
Mawit sakingIndonesia
Wawengkon utawi wewidanganBali
Bahan utamasanten, gula bali, gula pasir, nyuh, don pandan, miwah baas ketan putih tur selem

Dodol inggih punika silih sinunggil soroh jaja bali. Dodol mawentuk bunder tur lantang. Dodol malakar saking santen, gula bali, gula pasir, don pandan, nyuh miwah baas ketan putih tur selem. Tata cara ngaryanin dodol sané kapertama inggih punika santen kaengseb, sasampunnyané kaimbuhin gula bali, tepung, tur ketan, makasami adonan punika kaaduk ngantos alus. Adonan punika kaaduk malih ngantos lebeng tur nénten magempel-gempel. Sasampun lebeng, adonan kadinginang tur kawungkus nganggén kulit jagung. Mangda nénten pasil, dodol kajemuh mangda tetep tuh tur nénten oongan.[1]

Dodol lumrahnyané mawarna selem, nanging wénten dodol sané sampun bervariasi minakadi mawarna barak, gadang, miwah sané lianan. Tiosan variasi warna, rasan dodolé masih bervariasi minakadi durian, nangka, kacang, miwah sané lianan. Ring krama Bali, dodol kaanggén sarana upacara. Sadurung wénten dodol, krama Bali nganggén jaja iwel ring banten. Ring wawidangan Kabupatén Karangasem, dodol kaanggén ring upacara usaba sané mawasta Usaba Dodol. Dodol kakaput nganggé kulit jagung miwah plastik.[2] Dodol ketah kapanggihin ring pasar-pasar tradisonal.

Pustaka[uah | uah wit]

  1. Cara membuat dodol
  2. Shadily, Hassan (2012). Ensiklopedi Umum. Yogyakarta: Kanisius. hlm. 283. ISBN 9794135224.