Yuyu Malaksana Melah

Aksara Latin

Aksara Bali

Katuturan Yuyu Malaksana Melah
Satua
Aran	Katuturan Yuyu Malaksana Melah
Tasih kasub maaran	-
Data
Mitologi	-
Negara	Indonésia
Wewidangan	Bali
Pinanggal asal	-

Satua Yuyu Malaksana Melah (aksara Bali: yuyumalaksanamĕlaḥ) inggih punika silih tunggil satua Bali.

Daging carita

Kacrita wénten pedanda mamargi nglintangin tukad nyat. Irika ida manggihin yuyu berag aking. Kapi welasan kayun Ida Pedanda ngaksi yuyuné punika. Yuyuné punika kaduduk raris kagenahang ring tlagané. Kasuén-suén sampun ageng yuyu punika. Nuju Ida Pedanda merem ring balé kambang tengah tlagané, saget rauh I Lelipi sareng I Guak. Sang kalih masobaya jagi nyadayang Ida Pedanda. Kengin uning I Yuyu mapajar ring I Guak kalih I Lelipi, jagi ngalimetin laksananipun sang kalih. Sampun reké adung paitungan sang tigang diri, I Yuyu raris kagandong. Kapit I Yuyuné, ngapit baong I Lelipi muah I Guaké ngantos pegat.

Ida Pedanda kapupungan matangi, mireng suaran I Guak muah I Lelipi. Sapunika wiakti laksanan ipun I Yuyu becik pisan tan lali ipun ring kapiutangan urip. Kéto I Yuyu malaksana melah, inget kapiutangan urip ring Ida Padanda. Buron bisa ngwales pitreshan anak, apa buin manusa. Benehné lebihan tekénen ento parilaksanaan manusané.

Nah, jani ajak makejang ingetan pisan, yéning iraga taén marasa katulungin, patut iraga inget kapintangan. Yéning pet nyidayang, patut wales, yéning tuara nyidayang adaang raos ané melah, apang eda iraga tusing bisa ngalap kapitreshan anak.