Wikipédia basa Bali
 Wikipédia basa Bali | |
|---|---|
 | |
 | |
URL (id)  | http://ban.wikipedia.org/ http://ban.m.wikipedia.org/ (perangkat séluler) |
| Tipe (id) | Proyék énsiklopédia internét |
| Bersifat komersial? | Tidak |
| Pendaftaran (id) | Opsional anggén ngaryanang suratan anyar |
| Bahasa | Bali |
| Pemilik (id) | Yayasan Wikimédia |
| Berdiri sejak (id) | 14 Oktober 2019 |
    | |
Wikipédia basa Bali inggih punika énsiklopédia daring Wikipédia sané nganggén basa Bali sané rumasuk wagian saking komunitas Wikimédia Indonésia. Wikipédia basa Bali umumnyané nganggén aturan dasar Wikipédia basa Indonésia. Wikipédia basa Bali sampun suwe magenah ring proyék incubator Wikimédia, saking warsa 2005 nganti sasih Oktober 2019.
Wikipédia basa Bali sampun karencanayang saking warsa 2005. Ring tanggal 29 Juni 2005, usulan kapertama polih 10 panureksa, nanging nenten wenten sané kalimbakang.[1] Usul kaping kalih, tanggal 21 November 2006, katur antuk 15 suara dukungan saking Wikipediawan..[2] Sayang pisan, makakalih proposal punika katulak santukan kirangnyané penutur asli.
Yadiastun akeh sané nganjurang Wikipedia basa Bali, kirangnyané penutur asli ring sajeroning proses ngaryanin Wikipedia punika dados faktor utama sané ngawinang nenten prasida. Ngawit warsa 2006, Yayasan Wikimedia sampun ngamargiang kawicakan sané ngaptiang aplikasi basa mangda kakirimang olih kirang langkung limang kontributor sané aktif mabasa asli mangda prasida ngamedalang basa anyar. Punika mawinan, yadiastun akeh anake sané ngadukung pakaryan Wikipedia basa anyar, yening nenten wenten nyarengin penutur asli, punika pacang sia-sia.
Proposal kaping tiga kasobyahang duk warsa 2010.[3] Sinarengin antuk usulan Wikipédia basa Minangkabau, usulan puniki sampun kabaosang khusus ring acara LangCamp warsa 2012 ring Univérsitas Indonésia. Duk punika, Wikipédia basa Minangkabau miwah Wikipedia basa Bali sampun wenten ring masa uji coba ring Wikimédia inkubator. Santukan sampun madue kontributor sané aktif, Wikipedia Minangkabau puniki prasida kalaksanayang wantah kalih sasih sesampun acara punika kamargiang. Lacur, malih apisan pangapti sané sampun kapiara antuk Wikipedia Bali punika kaon. Nanging, usulan Wikipedia Bali kaping tiga puniki nenten katulak, nanging katinggalin mabuka kantos wenten pamidarta sané yukti-yukti sayaga makarya indike punika.
Ngawit punika, akidik utsaha sané kamargiang anggen ngadungang Wikipedia Basa Bali ring Inkubator. Ring paruh kaping kalih warsa 2017, Wikipedia Basa Bali kasobyahang cutet ritatkala wenten pelatihan Wikipedia Bahasa Indonesia ring Singaraja. Utsaha sané pateh taler sampun kamargiang ring Denpasar duk Juli 2018, nanging nenten wenten pikenohnyané.
Ring pangawit warsa 2018, Proyek Ganesha sané kalaksanayang olih Wikimedia Indonesia nguningayang I Wayan Nadiantara pinaka juara kapertama. Nadi, penutur basa Bali, raris kasobyahang olih staf Wikimedia Indonesia ring Wikipedia Basa Bali ring Inkubator. Wikipedia Bali hiatus saking warsa 2012 puput ritatkala Nadi ngawit aktif ngedit irika duk Agustus 2018. Duaning nenten prasida ngelola Wikipedia Bali padidi, Nadi kakenalang sareng Joseagush, kontributor aktif ring Wikipedia Bahasa Indonesia sané magenah ring Bali. Joseagush ngraga wantah mlajahin indik Wikipedia Basa Bali ritatkala dané nyarengin pelatihan Wikipedia Bahasa Indonesia duk Juli 2018. Nadi taler matemu sareng Thanasis Soultatis, sang sané ngadegang akun Instagram Wikipedia Bali, sané dumun dados Wikipedia Yogyakarta nanging duk punika magenah ring Denpasar. Selanturnyané I Gede Gita Purnama Arsa Putra, dosen ring Fakultas Sastra Bali Universitas Udayana, kakenalang sareng Nadi sangkaning minatnyané ring panglimbakan Wikipedia Bali, sasampuné kaundang olih sawitra Wikipedia Sunda, Ilham Nurwansah.
Ring tanggal 5 April 2019, sampun kamargiang paruman kapertama, sané ngarauhin petang diri punika. Paruman mligbagang indik Pembinaan Wikipedia Bali sané kapertama majeng ring krama. Pelatihan punika kalaksanayang ring rahina benjangnyané ring DILo Denpasar, kasarengin antuk 18 diri pamiletnyane, inggih punika para profesional miwah mahasiswa ring widang basa Bali. Ring sajeroning pelatihan punika, wenten tiga mahasiswa Universitas Udayana nyihnayang ketahanannyané ring sajeroning nyurat antuk Wikipedia Basa Bali. Ni Kadek Ayu Sulastri, Siti Noviali, lan Luh Gede Krismayanti metu dados calon sané berjanji saking pelatihan punika.
Ngawit saking pelatihan sané kapertama punika, malih tigang pelatihan Wikipedia Basa Bali sampun kalaksanayang ring Denpasar. Komunitas Wikimedia Denpasar sampun kawangun duk Agustus warsa 2019 sané ketuanyané inggih punika Ayu Sulastri. Yadiastun nenten akeh pelatih sané prasida ngajegang utsaha ngedit ring Wikipedia Bali ring Incubator, komunitas sané akehnyané langkungan saking limang diri sampun konsisten ngedit. Puniki manut ring persyaratan Yayasan Wikimedia. Silih sinunggil sarat anggen ngamedalang Wikipedia anyar inggih punika minimal limang diri sukarelawan sané ngedit paling kidik 10 kali asasih, konsisten paling kidik tiga kantos limang sasih.
Ring tanggal 7 Oktober 2019, Jon Harald Søby angga Panitia Basa ring Yayasan Wikimedia ngusulang indik ngamedalang Wikipedia Basa Bali ring ban.wikipedia.org. Aran 'ban' punika kode ISO 639 antuk basa Bali. Migrasi halaman saking Wikimedia Incubator nuju alamat anyar nelasang galah arahina tur puput ring tanggal 14 Oktober Ring tanggal punika Wikipedia Bali resmi dados kepahan saking keluarga Wikipedia global, sané mangkin wenten ring 304 basa.[4]
Ring bulan Oktober 2019, akeh suratan ring kaca inkubator basa Bali sampun jantos langkungan ring 1.400, sané kasurat olih kontributornyané. Sadurungnyané ring tanggal 10 Oktober, pinunas ngingsirang halaman inkubator ka Wikipedia Basa Bali sampun kacumpuin olih admin Yayasan Wikimedia sesampun kaverifikasi sareng para sujana basa Bali majalaran antuk situs web translatewiki.
Ring tanggal 14 Oktober 2019, galah Indonesia, utawi tanggal 15 Oktober 2019, galah pelayan admin Yayasan Wikimedia, Wikipedia basa Bali sampun kamedalang tur prasida kaakses onliné.[5]
- Suratan ka 1 kasurat ring November 2006.
- Suratan ka 100 kasurat ring April 2019.
- Suratan ka 1400 kasurat ring Oktober 2019.
- Suratan ka 8.000 kasurat tanggal 22 Juni 2021.
- Suratan ka 10.000 kasurat tanggal 24 Oktober 2021.
- Mangkin sampun wenten 34.211 suratan ring wikipedia puniki.
- ↑ "Requests for new languages/Wikipedia Balinese - Meta". meta.wikimedia.org. Kaaksés 2020-01-17.
- ↑ "Requests for new languages/Wikipedia Balinese 2 - Meta". meta.wikimedia.org. Kaaksés 2020-01-17.
- ↑ "Requests for new languages/Wikipedia Balinese 3 - Meta". meta.wikimedia.org. Kaaksés 2020-01-17.
- ↑ "Jalan Panjang Wikipedia Bahasa Bali". Wikimedia Indonesia (ring Indonesia). 2019-11-05. Kaaksés 2020-01-22.
- ↑ "Wp/ban - Wikimedia Incubator". incubator.wikimedia.org. Kaaksés 2020-01-17.
.svg){kind=logo}
