Wawengkon administratip Taiwan
Républik Cina ring Taiwan mangkin ngklaim makejang daratan Cina dados wawidangan negaranyané. Nanging manut de-facto, wawidangan niki ring sor administrasi Républik Cina wantah nusa Taiwan, Pescadores, Quemoy miwah Matsu.
.svg)
Wawengkon administrasi pamréntahan ring wawidangan de-facto niki madasar inggih punika:
- 2 Propinsi maya tingkat siki (省)
Kaaranin Propinsi maya wiadin saking warsa 1997, pamréntahan Propinsi Taiwan miwah Fujian secara resmi kabiurang. Mangkin, administrasi pamrentahan tingkat Propinsi wantah madaging satunggil badan eksekutif sane nenten madue kekuatan hukum napi-napi. Badan ékskutif niki kawastanin Manggala Propinsi (省主席) sané katunjuk olih patih agung ring kalpa jabatan ten tentu. Saking 25 Desember 2010, munisipalitas tingkat satu katingkatin dados 5 kota sasampun penggabungan kota miwah Kabupatén Taichung, Tainan miwah pamunggahan status Kabupatén Taipei.
- 6 munisipaliti khusus tingkat siki (直轄市)
- 13 Kabupatén tingkat kalih (縣)
14 Kabupatén pertama magenah ring sor administrasi Propinsi Taiwan, 2 Kabupatén untat ring sor administrasi Propinsi Fujian.
- 3 kotamadya tingkat kalih (省轄市)
Parinama daerah administrasi ring sor tingkat 2 ring dasarné kirang langkung pateh sareng parinama daerah administrasi ring Républik Rakyat Cina.
Munisipaliti khusus sekadi Kota Taipei lan Kaohsiung kakepah malih manados distrik (區). Wiadin distrik iriki sapatutné magenah ring tingkat 2, sakémanten ten wénten déwan pawakilan ring distrik sekadi niki. Sapunika kotamadya tingkat 2 pateh paindikanné munisipaliti khusus taler kakepah dados distrik (區).
Kabupatén kakepah manados 3 macam rupa administrasi, inggih punika kota kabupaten (縣轄市), kota kecamatan (鎮) lan kecamatan (鄉).
Ring sor makasami niki, rupa administrasi pinih alit inggih kelurahan (里) utawi désa (村). Ketahné kelurahan inggih punika parinama administrasi ring sor distrik, kota Kabupatén taler kota kecamatan, sapunika désa kaanggén antuk ngasengguh parinama administrasi ring sor kecamatan.
Tiga Kota lan Limolas Kabupatén inggoh punika satunggil pangaptian sané kapidartayang olih Présidén Ma Ying-jeou antuk ngaréformasi pawagian daerah administrasi Républik Cina warsa 2008.