USAT Liberty
 USS Liberty (ID # 3461) ring genah pawangunan ipun, Federal Shipbuilding Co., Kearny, New Jersey, sawatara Séptémber 1918. Kapal pangangkut puniki maoperasi saking Oktober 1918 nganti Méi 1919.
| |
| Lelintihan | |
|---|---|
 Amérika Serikat
| |
| Aran: | USS Liberty |
| Pawangun: | |
| Nomor galang: | 1 |
| Kaluncurang: | 19 Juni 1918 |
| Katugasang: | 7 Oktober 1918 |
| Kapurnatugasang: | 7 Méi 1919 |
| Fate: | katorpédo olih I-166, 11 Januari 1942, miwah kadampar |
| Ceciren umum | |
| Bobot: | 13,130 ton |
| Lantang: | 411 ft 6 in (125.43 m) |
| Balok: | 55 ft (17 m) |
| Sarat toya: | 26 ft 6 in (8.08 m) |
| Kacepatan: | 11 knot (20 km/h) |
| Komplemén: | 70 |
| Sanjata: | bedil 1 × 6", bedil 1 × 3" |
USAT Liberty silih tunggil kapal kargo Angkatan Darat Amérika Serikat sané katorpédo Kapal selam Jepang I-166 ring Januari 1942 miwah kadampar ring nusa Bali, Indonésia. Ipun kawangun mnados Kapal désain 1037 antuk Déwan Pangiriman Amérika Serikat ring Yuda Jagat I miwah taén maswadharma ring Angkatan Segara Amérika Serikat ring yuda ipun manados USS Liberty (ID-3461) transportasi baburon. Ipun taler kaloktah manados kapal kapertama sané kawangun Federal Shipbuilding, Kearny, New Jersey. Letusan gunung marapi ring warsa 1963 ngisidang kapal saking pasisi, miwah bangke kapal Liberty mangkin manados situs nyilem sané kasub.
Yuda Jagat I[uah | uah wit]
Liberty kaluncurang 19 Juni 1918 olih Federal Shipbuilding Company ring Kearny, New Jersey, miwah kaakuisisi olih Angkatan Segara Amérika Serikat ring tanggal 7 Oktober 1918 punika ring rahina sané pateh Letnan Komandan Charles Longbottom kaica manados komandan nyané. Katugasang nuju Layanan Transportasi Dura Negara Angkatan Segara, Liberty mamargi saking New York Navy Yard ring 24 Oktober 1918, rauh ring Brest, Prancis, antuk kargo jaran ring tanggal 8 Nopémber. Selami 6 sasih, Liberty pacang pesiar sareng kalih kapal tambahan saking New York nuju Prancis sané makta kargo baburon miwah umum ring Labuhan Prancis. Sarat antuk 436 ton kargo Angkatan Darat Amérika Serikat miwah 2.072 ton rél baja, Liberty rauh ring Newport News, Virginia, ring tanggal 30 April 1919 saking pesiar ungkur nyané. Ipun kanonaktipang irika ring tanggal 7 Méi miwah kawaliang nuju Badan Pangiriman Amérika Serikat ring rahina sané pateh.
Ri antara yuda[uah | uah wit]
Ring tanggal 20 Oktober 1929, Liberty mapalu sareng tug Dogue ring Le Havre, Seine Maritime, Prancis. Dogue karam antuk kaicalan kalih awak.[1]
Ring tanggal 23 Nopémber 1933, Liberty mapalu sareng kapal kargo Amérika Ohioan ring Kanal Ambrose. Asapunika, Ohioan kandas ring nampek Tepi Kawan Ingan.[2]
Yuda Jagat II[uah | uah wit]
Ring 1939, Liberty—yadiastun kadruénang olih Komisi Maritim Amérika Serikat (panerus USSB)—Kakaryanin olih Southgate-Nelson Corporation ring Norfolk, Virginia. Southgate-Nelson punika operator saking makudang jalur paket, rumasuk Jalur Marga Hampton Amérika, Jalur Yankee, miwah Jalur Oriole, sakewanten wit kaping kalih nénteen nganikayang layanan saking Liberty malayar.[3] Ring Nopémber 1940, Liberty silih tunggil saking dasa kapal sané kabakta olih Angkatan Darat Amérika Serikat antuk dinas patahanan.[4][Note 1]
Ri kala punika Amérika Serikat ngaranjing Yuda Jagat II ring sasih Désémber 1941, USAT Liberty magenah ring Pasifik. Ring sasih Januari 1942, ipun ring pamargi saking Ostrali nuju Filipina antuk makta muatan saking wagian rel sepur miwah karet. Ring 11 Januari, Liberty katorpédo olih Kapal selam Jepang I-66 sawatara 10 mil laut (19 km)kelod kawan Selat Lombok, nampek sareng 08°54′S 115°28′E / 8.900°S 115.467°E. Kapal parusak AS Paul Jones miwah parusak Welanda Van Ghent, nyarengin kapal sané rusak ring duriné mangda neked ring Labuhan Celukan Bawang ring Singaraja, labuhan Welanda miwah pusat administrasi antuk Kepuloan Sunda Alit, ring pasisi kalér Bali. Menawi ipun kaakéhan keni toya miwah mawinan punika kadampar pasisi kangin Bali ring Tulamben asapunika kargo miwah palengkapan nyané prasida kaselamatang.
Ring warsa 1963, gejeran kakait antuk letusan Gunung Agung ngamawinang kapal mangingsir saking pasisi, miwah sané mangkin kelem ring 25 nganti[convert: unknown unit]toya, nyadiayang silih tunggil genah nyilem pinih kasub ring Bali.
Bangké kapal USAT Liberty ketah iwang kanikayang manados USAT Liberty Glo[Note 2] utawi kauninging antuk aran sané iwang, USS Liberty. Bangké kapal punika kapah iwang kanikayang dados Kapal Liberty, saking kahémengan aran kapal antuk kelas kapal kargo désain standar Yuda Jagat II.
Genah nyilem[uah | uah wit]
Bangké kapal Liberty masandar ring nampek 30 méter (100 ft)toya ring Tulamben, Bali, Indonésia.[5] Titik pinih tegeh saking bangké kapal magenah ring kajeroan sawatara 5 méter (16 ft)miwah titik pinih éndep magenah ring sawatara 30 méter (100 ft).[6] Bangké kapal punika cingakan sané becik indik sapunapi palemahan ngardi kauripan ring dija-dija miwah formasi karang sané becik prasida kacingakin ring sanjata bangké kapal inucap.[7]
Galéri[uah | uah wit]
-
arep bedil 6-inch -
pamuat boom -
atenga palka kelés -
profil rel katutupin olih karang
Cutetan[uah | uah wit]
- ↑ Sanga kapal liyanan kaambil oléh Angkatan Darat Amérika Serikat punika Chirikof, Etolin, West Corum, Waukegan, Edenton, West Segovia, Amérika, Présidén Roosevelt, miwah Présidén Jefferson. (cingak pustaka #4)
- ↑ SS Liberty Glo punika Hog Islander sané kawangun ring ungkur Yuda Jagat I, menawi selamat saking Yuda Jagat II sané kawési tuayang ring Baltimore, Maryland, ring Nopémber 1950.
Pustaka[uah | uah wit]
- ↑ "Casualty reports". The Times (45339). London. 21 October 1929. col F, p. 23.
- ↑ "Two American steamers in collision". The Times (46610). London. 24 November 1933. col D, p. 25.
- ↑ Jordan, p. 418.
- ↑ Cave, Wayne B. (7 November 1940). "Shipping news and activities at Los Angeles Harbor". Los Angeles Times. p. A12.
- ↑ "USAT Liberty :: Dive Concepts Bali". www.diveconcepts.com. Kaaksés 2019-10-15.
- ↑ "USAT Liberty Wreck in Tulamben Bay". Diveplanit (ring Inggris). 2016-06-29. Kaaksés 2019-10-15.
- ↑ "Diving USAT Liberty Wreck" (ring Inggris). Kaaksés 2020-04-15.
Suratan[uah | uah wit]
- Nyilem ring USAT Liberty
- Jordan, Roger W. (1999). The World's Merchant Fleets, 1939: The Particulars And Wartime Fates of 6,000 Ships. London: Chatham. p. 383. ISBN 1-86176-023-X.
- Suratan puniki mingabungin téks saking domain publik Dictionary of American Naval Fighting Ships. Entri prasida katemuin iriki.
- Inpo sareng photo miwah map saking Liberty ring Tulamben
 |
Wikimédia Commons madué média indik USAT Liberty (ship, 1918). |
Koordinat: 8°017′03″S 115°035′021″E / 8.28417°S 115.58917°E