Tunjuk, Tabanan, Tabanan
8°28′03″S 115°09′14″E / 8.467602°S 115.153899°E
| Tunjuk | |
|---|---|
 Peta genah Désa Tunjuk | |
| Negara |  Indonésia |
| Propinsi | Bali |
| Kabupatén | Tabanan |
| Kecamatan | Tabanan |
| Pamréntahan | |
| • Perbekel | I Nyoman Budiarta[1] |
| Kodepos | 82151 |
| Kode Kéméndagri | 51.02.05.2010 |
| APBDésa | Rp.811.975.000[1] |
| Jimbar | 4,74 km²[2] |
| Akéh krama | 4.895 diri (2016)[2] 4.226 diri (2010)[3] |
| Kepadetan | 892 diri/km²(2010) |
| Akéh KK | 1.543[2] |
Tunjuk inggih punika silih tunggil désa sané magenah ring kecamatan Tabanan, Kabupatén Tabanan, propinsi Bali, Indonésia.[4][5] Désa puniki sampun kaloktah dados komunitas tani tradisional Bali antuk parikrama mamula padi, makudang-kudang pusat kesenian tradisional, taler pinaka genah wisata desa sane nyanggra para pengunjung ngarasayang “kahuripan desa”.
Manut satuane, saking nguni ± abad XVII Masehi wenten kerajaan sane kakuasain olih raja sane dahat wicaksana sane mapesengan Gusti Ngurah Brahmakosa sane dados semeton Dani Prian ring Uma Kaang. Raris Ida Gusti Ngurah Brahmakosa ngwangun kerajaan ring Bungankapas (sane mangkin kawastanin Bungankapal).
Risampune suwe ring kawentenan kerajaan punika, kauripan parajanane rahayu, raris metu wicara pantaraning kerajaan Bungankapas sareng kerajaan Malguna (mangkin Malgunung), sane magenah ring sisi kelod kerajaan Bungankapas. Saking wicara punika raris metu payudan sane dahat rames ring pantaraning kalih kerajaan punika. Duaning kerajaan Malguna sayan kukuh, raris kerajaan Bungankapas kalah tur rusak. Sasampun puput payudane kantun wenten krama Bungankapas sane kantun maurip lan kantun satya ring Ida Sang Prabu. Tur ida taler ngicenin pituduh mangda mamargi kelod. Pamuputne kramane, akehnyane 30 kulawarga, rauh ring genah sane rata tur genahe punika kaanggen maplalian layangan (Njuk Kite). Ring genahe puniki pamuputnyane ipun ngadegang desa. Duaning desa sane kawangun ipun wantah cihna saking Ida Sang Prabu, taler genah ipun maplalian “Layangan Nunjuk”, mawinan desa punika kawastanin Desa TUNJUK.
Desa Tunjuk sane dumun dados pahan saking Desa Buahan. Sakadi kahanan sane nglimbak lan mauwah, desa punika kapah dados kalih, antuk Desa Buahaan dados desa induk lan Desa Tunjuk dados desa sane ngasilang.
Madasar antuk Surat Keputusan No.82 warsa 1986 saking Menteri, Desa Tunjuk kadadosang desa persiapan antuk I Wayan Mandi dados Kepala Desa. Makudang-kudang warsa salanturnyane, antuk Keputusan No.161 warsa 1988 saking Menteri Dalam Negeri, tanggal 20 Juli 1988, Desa Tunjuk resmi dados desa sane jangkep, sane linggahnyane 474,04 hektar lan akehnyane 4.1627 diri.[6]
Wawidangan Désa Tunjuk madué pitu dusun utawi banjar dinas, inggih punika:[7]
- Dusun Bungan Kapal
- Dusun Legung
- Dusun Tunjuk Utara
- Dusun Tunjuk Tengah
- Dusun Tunjuk Kelod
- Dusun Beng Utara
- Dusun Beng Selatan
Mawit adat ring Désa Tunjuk kagenahin olih Désa Pakraman Tunjuk, pahan inucap inggih punika:[7]
- Désa Pakraman Tunjuk
- Banjar Bungan Kapal
- Banjar Legung
- Banjar Tunjuk Kaja
- Banjar Tunjuk Jangkahan
- Banjar Lebah
- Banjar Tunjuk Tengah
- Banjar Delod Yéh
- Banjar Delod Balé Agung
- Banjar Beng Kaja
- Banjar Beng Tengah
- Banjar Beng Pandé
- Banjar Beng Bendésa
Krama désa Tunjuk nganti warsa 2016 kirang langkung akéhnyané 4.895 diri sané kakepah antuk 2.444 lanang miwah 2.451 istri mawit sex rasio 99,71.[2]
- ↑ 1,0 1,1 "Désa Mandara;Tunjuk". Kaarsipin saking versi asli tanggal 2018-05-25. Kaaksés 2020-08-31.
- ↑ 2,0 2,1 2,2 2,3 "Kecamatan Tabanan dalam Angka 2017" (ring Indonesia). Badan Pusat Statistik Indonésia. 2017. Kaaksés 16 Désémber 2018.
- ↑ "Penduduk Indonesia Menurut Desa 2010" (PDF) (ring Indonesia). Badan Pusat Statistik. 2010. p. 1385. Kaaksés 14 Juni 2019.
- ↑ "Peraturan Menteri Dalam Negeri Nomor 137 Tahun 2017 tentang Kode dan Data Wilayah Administrasi Pemerintahan". Kementerian Dalam Negeri Républik Indonésia. Kaarsipin saking versi asli tanggal 29 Désémber 2018. Kaaksés 3 Oktober 2019.
- ↑ "Peraturan Menteri Dalam Negeri Nomor 72 Tahun 2019 tentang Perubahan atas Permendagri nomor 137 Tahun 2017 tentang Kode dan Data Wilayah Administrasi Pemerintahan". Kementerian Dalam Negeri Républik Indonésia. Kaarsipin saking versi asli (PDF) tanggal 25 Oktober 2019. Kaaksés 15 Januari 2020.
- ↑ "Sejarah Desa Tunjuk". tunjuk.desa.id. 6 Agustus 2024. Kaaksés 6 Agustus 2025.
- ↑ 7,0 7,1 Data Désa Adat Kabupatén Tabanan, NangunSatKertiLokaBali.com, kaarsipin saking versi asli tanggal 2 December 2020, kaaksés 9 November 2020
- (Indonésia) Situs Resmi Propinsi Bali Archived 2024-09-16 at the Wayback Machine
- (Indonésia) Badan Pusat Statistik Propinsi Bali
- (Indonésia) Situs Resmi Kabupatén Tabanan
- (Indonésia) Badan Pusat Statistik Kabupatén Tabanan
- (Indonésia) Website Resmi Kecamatan Tabanan Archived 2018-11-07 at the Wayback Machine
cutetan: URL dados kauahin/ilang. Yening URL nenten aktip, ngiring kaapus saking lis.
