Tiying Bali
Gigantochloa baliana  | |
|---|---|
| Status konservasi | |
| Galat skrip: tidak ada modul tersebut "Infobox Wikidata". | |
| Taksonomi | |
| superdomain | Biota |
| superkerajaan | Eukaryota |
| krajan | Plantae |
| subkrajan | Viridiplantae |
| infrakrajan | Streptophyta |
| superdivisi | Embryophytes |
| divisi | Tracheophytes |
| subdivisi | Spermatophytes |
| Klad | Angiosperms |
| Klad | monocots |
| Klad | commelinids |
| ordo | Poales |
| kaluwarga | Poaceae |
| Génus | Gigantochloa |
| Spésiés | Gigantochloa baliana Widjaja miwah Astuti , 2004 |
Tiying Bali utawi Petung Bali (Gigantochloa baliana) punika satmaka tiying saking génus Gigantochloa. Éndemik Bali, pasebaran ipun wantah ring wewengkon Gunung Batukaru wewidangan Kabupatén Buléléng miwah Kabupatén Tabanan. Ketah nyané, tiying puniki idup ring palemahan tropis ring duur 600 - 1500 méter.[1][2]
Tunas nguda mawarna gadang mesawang coklat kasebar nganti medang coklat wayah. Tegeh batang 10 m, beneng, batang nguda gadang masawang pelung, buku-buku 27.5 – 40 cm, antuk medang coklat tua, diaméter 1.8 – 2.6 cm. Don batang ngedénang, don sekadi kuping, nganti tegeh 2 mm, gundul; ligule wentuk nénten tetep nganti tegeh 2 mm, antuk medang alus; bilah tegap, segitiga cupek, alas cupek.[1]
Bilah don 21 – 40.3 x 2.5 – 7.5. cm, antuk medang putih kasebar ring muka betén don, muka duur nentén wénten medang; don kuping bunter, tegeh miwah linggah 2 mm, gundul, selubung ngejimbar ring don kuping; ligule nganti tegeh 2 mm antuk medang alus, sarung katutupin antuk medang kacingak coklat wayah.[1]
Pseudospikelet 16 – 18 mm, cabang nguda saking pseudospikelet mamedang, medang endep; floret subur 4, murung 3, 5 – 10 mm, bunter taluh, apeks akut, silia coklat nguda ring sisi, lemma 12 – 15 mm, ring gulungan antuk silia coklat nguda, puncak akut; palea 11 – 14 mm, puncak akut, puput antuk silia coklat nganti coklat nguda, kepala sari marun nganti magenta wayah, lantang nganti 6 mm antuk ujung apikulata, ovarium lonjong, mamedang ring puncak, woh nguda lonjong, c.lantang 14 m.[1]
- ↑ 1,0 1,1 1,2 1,3 (Inggris) Widjaja, Elizabeth A.; Astuti, Inggit Pudji; Arinasa, Ida Bagus Ketut (2004), "New Species of Bamboos (Poaceae-Bambusoideae) from Bali", REINWARDTIA: A Journal on Taxonomic Botany, Plant Sociology and Ecology, 12: 199-204, doi:10.14203/REINWARDTIA.V12I2.73
- ↑ (Inggris) Arinasa, Ida Bagus Ketut; Sujarwo, Wawan (2015), "The Diversity of Endemic Bamboo in Bali and Conservation Efforts", Bamboo Journal, JAPAN BAMBOO FOUNDATION • JAPAN BAMBOO SOCIETY (29): 85-92