Taman Nasional De Hoge Veluwe ([də 'ɦo.ɣə ˈveːlyʋə], "Veluwe Tegeh") inggih punika taman nasional Belanda ring propinsi Gelderland nampek kota Ede, Wageningen, Arnhem miwah Apeldoorn. Ring wawengkon sawatara 55 km2 (14,000 ékar; 21 sq mi), madaging lahan kerangas, bukit bias, miwah taru. Magenah ring Veluwe, wawengkon terminal moraine pinih ageng ring Belanda. Makéhan lanskap taman miwah Veluwe kawentuk daweg aab és ungkur. Pagentosan wawengkon bukit bias miwah padang tegal minab hawanan pawigunan tanah ring nampek nyané olih manusa. Taman puniki dados silih tunggil cagar palemahan malanturan pinih ageng ring Belanda.
