Sumping waluh

Saking Wikipédia


Sumping waluh
Wastan sané tiosansumping tabu
Tipéjaja
Sajianasiki
Mawit sakingIndonésia
Wawengkon utawi wewidanganBali
Suhu penyajiananget, dingin
Lakaran utamawaluh kuning, tepung baas, tepung terigu, gula bali, uyah, tur nyuh makihkih

Sumping waluh inggih punika silih tunggil jaja bali sané kakaryanin saking waluh. Sumping waluh wentuknyané segi patpat tur mawarna kuning. Bahan sané kaanggén ngaryanin Jaja sumping waluh minakadi waluh kuning, tepung baas, tepung terigu, gula bali, uyah, tur nyuh makihkih. Tata cara ngaryanin jaja sumping waluh sané kapertama inggih punika waluh kuning kaicalang kulitnyané, sasampun punika waluh kakihkih nganggén pangikihan. Salanturnyané campur tepung makasami, gula bali, miwah uyah, adonan punika kaaduk ngantos kalis. Sasampun kalis, adonan punika kacampurang sareng waluh kuning sané sampun kakihkih. Adonan sané sampun macampur punika kagenahang tur kakaput nganggén don biu.[1] Salanturnyané jaja punika kakukus ngantos lebeng. Jaja sumping waluh akéh kapanggihin ring pasar-pasar tradisional.

Pustaka[uah | uah wit]

  1. https://cookpad.com/id/resep/3876171-lepet-waluh-bali?via=search&search_term=kue%20tradisional%20bali