Sumping biu
![]() Jaja sumping saking Pasar Désa Mas, Gianyar | |
Tipé | Jaja |
---|---|
Sajian | asiki |
Mawit saking | Indonésia |
Wawengkon utawi wewidangan | Bali |
Paiketan sanganan nasional | Indonésia |
Suhu penyajian | suhu ruangan |
Bahan utama | biu, tepung baas, tepung terigu, gula pasir, uyah, tur nyuh makihkih |
Sanganan sané pateh | Nagasari |
Sumping biu inggih punika silih tunggil sanganan sané kakaryanin saking biu. Sumping biu wentuknyané segi patpat tur putih. Bahan sané kaanggén ngaryanin jaja sumping biu minakadi biu, tepung baas, tepung terigu, gula pasir, uyah, tur nyuh makihkih. Tata cara ngaryanin jaja sumping biu sané kapertama inggih punika biu kaicalang kulitnyané, sasampun punika biu sané sampun nénten madué kulit, kagetep ngantos alit-alit. Salanturnyané campur tepung makasami, gula pasir, miwah uyah, adonan punika kaaduk ngantos kalis. Sasampun kalis, adonan punika kagenahang ring don biu. Ring tengahnyané kagenahang biu sané sampun kagetep alit punika, salanturnyané jaja punika kakaput. Raris jaja punika kakukus ngantos lebeng.[1] Jaja sumping biu akéh kapanggihin ring pasar-pasar tradisional.