Sujang
Sujang punika silih tunggil genah sané kekaryanin saking tiing. Sujang puniki medué tigang jenis taler kawiguna ipun matiosan. Sujang tirta punika sujang sané keanggén genah tirta, lakaran ipun saking tiing madya kakaput nganggén kain kasa putih kuning, kaiket antuk tali putih sané kedaginging jinah bolong, tutup ipun kahiasin nganggén don andong.[1] Sujang banten punika kekaryaning saking tiing buluh, ring iriki kakepah malih dados kalih jenis, punika sujang sesayut sareng sujang caru. Kalih sujang punika matiosan, ring sujang caru tiing punika wantah kakepah dados kalih sujang menawi nénten belas, ring sujang sesayut puniki tiing lakaran ipun kakepah taler kabelasang. Sané untat wénten sujang ineman, ageng nyané pateh sekadi sujang tirta menawi nénten kahias taler kawiguna ipun wantah genah toya minum utawi genah tuak.
Pustaka[uah | uah wit]
- ↑ (Indonésia) "Sujang" Memiliki Fungsi Dan Arti Di Setiap Menjalankan Piodalan Di Banjar Sekarmukti, kaaksés 19 Séptémber 2020[permanent dead link]