Cebur nuju daging

Wawengkon métropolitan Dénpasar

Koordinat: 8°40′18″S 115°14′2″E / 8.67167°S 115.23389°E / -8.67167; 115.23389
Saking Wikipédia
(Kagingsirang saking Sarbagita)
Wawengkon métropolitan Dénpasar
Wilayah Metropolitan Denpasar
Denpasar Metropolitan area
Sarbagita
Saking baduur, kiwa ka tengen: Monumén Bajra Sandhi, Padestrian ring Ubud, panorama Pasisi Nusa Dua, Pasih Kuta inggih punika genah wisata sané kasub, Uluwatu ring Kabupatén Badung, Pura Tanah Lot
Koordinat: 8°40′18″S 115°14′2″E / 8.67167°S 115.23389°E / -8.67167; 115.23389
Negara Indonésia
Propinsi Bali
Kota intiDénpasar
KabupaténKabupatén Badung
Kabupatén Gianyar
Kabupatén Tabanan
Jimbar
 • Metro
1,928,28 km2 (0,74.451 sq mi)
Populasi
 (éstimasi patengahan 2023)
 • Metro
2,301,887
 • Kepadatan metro1,2/km2 (3,1/sq mi)
Wewidangan galahUTC+8 (WITA)
Kode Pos
80xxx & 82xxx[catetan 1]
Kode wawengkon0361
Plat kendaraanDK
Dasar HukumUndang Undang No.45 Warsa 2011
GDP métro2023[2]
 - TotalIncreaseRp 184.558 triliun
IncreaseUS$ 12.108 miliar
IncreaseUS$ 38.778 miliar (PPP)
 - Per kapitaIncreaseRp 80.176 yuta
IncreaseUS$ 5,260
IncreaseUS$ 16,846 (PPP)

Wawengkon métropolitan Dénpasar (Aksara Bali: waweṅkonmetropolitandenpasaŕ), kaloktah antuk parinama Sarbagita (saŕbagita; acengan saking Dénpasar-Badung-Gianyar-Tabanan) inggih punika wawengkon métropolitan Kota Dénpasar Bali, Indonésia, sané ngajangkepin Kabupatén Badung, Kabupatén Gianyar miwah Kabupatén Tabanan. Wawengkon perkotaan puniki kaadegang manutin Peraturan Présidén Nomor 45 Warsa 2011, sané salanturnyane kauah sareng Peraturan Présidén Nomor 51 warsa 2014.[3][4] Sarbagita dados wewidangan metropolitan pinih gedé ring Kapuloan Nusa Tenggara miwah pinih gedé kadadua ring wewidangan Indonésia Kangin sasampun kota metropolitan Mamminasata ring Sulawesi Kelod.[5] Wawengkon puniki karancang manados métropolitan mabasis pariwisata antuk maaledan Budaya tur mawitin Tri Hita Karana.[6]

Géograpi

[uah | uah wit]

Kota Dénpasar inggih punika ibu kota Propinsi Bali tur magenah ring sisi kelod pulo. Dénpasar mawiguna pinaka pusat administrasi, paadolan miwah budaya. Kota puniki magenah ring tanah éndép tur makéhan asah, antuk makudang-kudang wewidangan sané akidik mabukit ring sisian kota, pawatesan segara ipun wénten ring sisi kangin sareng Selat Badung sané ngawelasang sareng Nusa Penida miwah sisi kelod sareng Celuk Benoa miwah Samudra Indonésia. Kabupatén Badung magenah ring sawewengkon Dénpasar tur pinaka kabupatén sané nglimbakang ékonominyané gelis pamekasnyané ring sektor pariwisata. Badung madué akéh wawidangan pasih sané kasub minakadi Kuta, Jimbaran miwah Nusa Dua. Géograpi Badung akehan madaging tanah éndép ring selantang pasisi miwah bukit-bukit sané tegehan ring sisi kelod miwah kaja, ismus Jimbaran sané magenah ring wawengkon bandar udara nyatuang nusa utama sareng kelodné, ring sisi kelodné mawatesan langsung sareng samudra lepas. Kabupatén Gianyar magenah ring sisi kangin Denpasar tur sampun kaloktah antuk wewidangannyané sané lebih magunung lan pertanian utamanyané ring wewidangan Ubud. Gianyar taler madué wewidangan pariwisata sané sayan nglimbak, antuk genah wisata alam lan budaya sané ngulangunin. Wewidangan puniki akéhan mabukit tur madué lebah sané dalem, ring sisi kelodné mawatesan sareng Nusa Penida sané kawelasang olih Selat Badung. Tabanan magenah sayan kauh lan madué topograpi sané makéh sarwa ipun, saking pasisi ngantos wewidangan pagunungan sané tegehan ring sisi kaler, ring sisi kelodné magenah samudra lepas.[7]

Démograpi

[uah | uah wit]
Wewidangan Administratip Jimbar (km²) 2021 [8] Akeh krama (2021)[9] Kepadatan krama (diri/km² 2021) [8]
Kota Dénpasar[10] 127,78 725.314 5.676,27
Kabupatén Badung[catetan 2] 303,52 517.178 1.703,93
Kabupatén Gianyar[catetan 3] 187,69 369.900 1.970,80
Kabupatén Tabanan[catetan 4] 105,00 166.730 1.587,90
Total 723,99 1.779.122 2.457,38

Transportasi

[uah | uah wit]

Wawengkon metropolitan niki prasida kaentasin saking tiga lintas, lintas udara saking bandara utama sané magenah ring sisi kelod, lintas segara saking labuhan sané magenah ring sisi kelod kangin, miwah lintas darat sané prasida saking marga nasional ring sisi kangin, kalér miwah kauh.

Transportasi Udara

[uah | uah wit]
Landasan pacu bandara

Bandara Internasional I Gusti Ngurah Rai inggih punika gerbang lan pangayah utama majeng ring wawengkon metropolitan Dénpasar, sane magenah ring wewidangan kalurahan Tuban, Kabupatén Badung, Bali, Indonésia, sawatara 13 km kelod saking Kota Dénpasar. Jimbar bandara punika makasami sawatara 300 héktar. Jikbar terminal doméstik sawatara 75.000 m², jimbar terminal internasional punika sawatara 100.000 m². Bandara Ngurah Rai puniki prasida ngayahin kapal terbang sané ageng (awak linggah) sakadi Boeing 777, Boeing 747 miwah Airbus A330, saha kapasitas normal kapal terbang ipun 52 kapal. Lantang landasan pacunyane ngantos 3.000 méter, sané ngawinang bandara puniki prasida ngayahin panerbangan jarak doh. Kapasitas penumpang nyabran warsa inggih punika 25 yuta penumpang, kapasitas kargo nyabran warsa sawatara 20.000 ton.[11]

Transportasi Segara

[uah | uah wit]
Labuhan Sanur

Wawengkon métropolitan niki kaayahin olih kalih labuhan inggih punika Labuhan Benoa magenah ring sisi kelod Bali, sawatara 12 km saking Dénpasar, lan mawiguna dados labuhan utama kapal pesiar, feri lan transportasi barang. Labuhan puniki madué kapasitas anggén nanganin makudang-kudang soroh kapal, ngawit saking kapal pesiar sané ageng ngantos kapal kargo, antuk fasilitas dermaga sané ngadukung makudang-kudang ukuran kapal. Labuhan Benoa ngayahin makudang-kudang soroh kapal, rumasuk kapal pesiar internasional sané nyambungang Bali sareng tetujon sekadi Ostrali, Singapura miwah negara-negara Asia Kelod Kangin sané lianan. Lempas saking punika, labuhan puniki taler dados titik pamedalan lan rauh féri sané nyambungang Bali sareng nusa-nusa sané nampek minakadi Lombok, Nusa Penida lan Nusa Lembongan. Antuk transportasi barang, labuhan puniki ngangkut produk sané kabuatang olih sektor pariwisata lan ékonomi lokal.[12] Liyanan wénten Labuhan Sanur magenah ring wawidangan Désa Sanur, sané ngayahin tamiu pariwisata miwah kramané nuju utawi saking Nusa Penida, ring labuhan niki wantah kaayahin olih Speedboat sané kapasitasné nénten akéh.[13]

Transportasi Darat

[uah | uah wit]
Tol ring Celuk Benoa

Ring tanggal 21 Desember 2011, pawangunan sampun kakawitin ring marga tol Nusa Dua-Benoa-Bandara Internasional Ngurah Rai, sané ngicenin jalur khusus majeng ring sepeda montor. Indik puniki sampun kamargiang olih pitung BUMN sané kapimpin olih PT Jasa Marga antuk saham 60%. PT Jasa Marga Bali Tol sané pacang ngwangun marga tol 9.91-kilométer-long (6.16-mil) (totalnyané 12.7 kilométer (7.89 mil) antuk margi aksés). Pawangunan punika kaaptiang mapangarga Rp.2,49 triliun ($273,9 yuta). Proyek punika mamargi 2 kilométer (1 mil) saking alas bakau miwah nglintangin 2.3 kilométer (1.4 mil) pasisi, makakalih sareng jimbar 5.4 héktare (13 ékar). Jalan tol sané tegeh punika kawangun ring duur alas bakau ring 18.000 tiang beton sané ngelah kalih héktar alas bakau. Indiké punika kaimbangi antuk nanem 300.000 taru bakau ring selagan margi.[14][15] Ring tanggal 23 Séptémber 2013, karesmiyang kabuka Marga Tol Bali Mandara, antuk margi ring sor Simpang Déwa Ruci (Simpang Siur) sampun kabuka sadurungnyané.[16]

Margi Nasional sané nyambungang wawengkon métropolitan niki wénten rute 1 sané kahubung langsung nuju inti kota taler ngentasin tol, lantas wénten rute 2 sané kasambung nuju Singaraja, rute 3 sané tembus saking Mengwi nuju Jimbaran tanpa ngeranjing tol, rute 4 nyambungang wawidangan Tampaksiring miwah Gianyar nuju pusat Kota Dénpasar, sané ungkur wénten rute 5 sekadi rute 1 sakémanten nénten ngentasin tol.

Margi Bypass sané nyambungang wawidangan Sarbagita wénten, Margi By Pass Ngurah Rai saking Kota Dénpasar nuju sisi kelod Kabupatén Badung. Sisi kangin wénten Margi By Pass Ida Bagus Mantra sané nyambungang tanggu kangin wawengkon métropolitan ring Kabupatén Gianyar sareng Kota Dénpasar, By Pass Dharma Giri sané nyambungang Kota Gianyar sareng Blahbatuh. Sisi kauh wénten By Pass Tanah Lot sané nyambungang Perénan wawidangan Kabupatén Badung sareng Tanah Lot ring wawidangan Kabupatén Tabanan, taler wénten By Pass Sukarno sané nyambungan tanggu kauh saking wawengkon métropolitan ring Kabupatén Tabanan nuju Mengwi wawidangan Kabupatén Badung.[17]

Terminal Mengwi lan Terminal Ubung inggih punika kalih terminal utama ring Bali sané ngayahin transportasi antar kota lan antar propinsi. Terminal Mengwi sané magenah kirang langkung 18 km saking Dénpasar puniki mawiguna dados panghubung ring wawengkon Sarbagita olih Trans Métro Déwata taler wewidangan kalér lan kangin Bali, minakadi Bedugul, Singaraja lan Karangasem, taler ke Pulo Jawa. Terminal puniki madué jimbar sawatara 15 héktar tur kajangkepin antuk fasilitas dasar minakadi ruang tunggu lan genah parkir.

Sapunika Terminal Ubung sané magenah ring tengah Kota Dénpasar sayan sibuk lan ngayahin transportasi antar kota ring jeroning Bali, taler pemargi ke Jawa malarapan antuk kapal féri. Antuk linggahnyané sawatara 5 héktar, terminal puniki madué makudang-kudang fasilitas, minakadi ruang tunggu, parkir sané jimbar miwah kios-kios anggén kaperluan pamargi. Makakalih madué sesana sané mabuat sajeroning nujang mobilitas krama lan wisatawan ring Bali.[18]

Trans Sarbagita dados transportasi liyanan sané dados alternatif, trayek ipun saking GOR Ngurah Rai tatujon Garuda Wisnu Kencana antuk trayek nomer siki miwah tatujon ITDC Nusa Dua antuk trayek nomer kalih.

Budaya

[uah | uah wit]

Wénten pagentosan budaya kautama indik tata genah saking wargi ring wawengkon métropolitan, santukan tanah sané cupek tur ajin tanah sané mael ngaranayang pagentosan ukuran sané nénten prasida nganutin sikut karang tradisional Bali utawi nénten jangkep nganutin Asta Kosala Kosali.[19] Kawéntenan sawatara 100.000 wargi dura propinsi Bali utawi 53% ring warsa 2010, taler krama Bali sané meneng saking dura wawengkon métropolitan minakadi Buléléng, Karangasem, Jembrana, Klungkung, Bangli, miwah kabupatén Sarbagita sané wawidangan nénten ngeranjing wawengkon métropolitan, taler ngarsa pagentosan tata genah ipun, kawéntenan pariwisata kautama réstoran mapaiketan sareng paumahan kumuh sané kaadegang ring sisi tebén wawidangan désa.[20]

Ring sisi basa taler akéh sané magentos santukan wargi ipun saking multi étnis tur multi budaya, ring wawidangan sané krama Bali ipun ten akéh pacang dominan ngangén basa Indonésia, sapunika taler unggah-ungguh basa magentos santukan napi sané dados unggah-ungguh tata basa ring palemahan krama ipun kantun kabakta nuju wawengkon urban, santukan punika wénten kruna-kruna campuh basa sané ketah kaanggén utawi dados cecirén khas wawengkon métropolitan. Pikobet liyanan ring indik pagentosan pawigunan lahan tur pagentosan palemahan, kasarengin ring indik pagentosan pawikanan indik basa, akéh kruna-kruna sané sampun ten kabaosang malih, kautama ring indik partanian tur baburon sané ical ring palemahan.[21]

Pakaryan lantur

[uah | uah wit]

Tol Gilimanuk-Mengwi sané pacang nyambungang Gilimanuk sareng wawengkon métropolitan karencanayang lantangné 97 km, sakémanten ténder sané puput olih PT Bangun Sarana Agung kanikayang nénten lulus.[22] Proyék liyanan punika pawangun "Bali Urban Subway" sané karencanayang ring 5 phase, sané kapertama saking Bandara nuju Cemagi, phase kaping kalih Bandara nuju Nusa Dua, phase katiga saking Kuta nuju Sanur, miwah phase kapat saking Renon nuju Ubud.[23]

Catetan

[uah | uah wit]
  1. ↑ Kode pos 80111-8039 antuk wawidangan Dénpasar, 80351-80352, 80361-80363 antuk wawidangan Badung, 80511-80515, 80571, 80581-80582 antuk wawidangan Gianyar, 82111-82123 antuk wawidangan Tabanan.[1]
  2. ↑ nénten rumasuk Kecamatan Petang[10]
  3. ↑ nénten rumasuk kecamatan Tegallalang miwah Tampaksiring[10]
  4. ↑ wantah kecamatan Tabanan miwah Kediri[10]

Pustaka

[uah | uah wit]
  1. ↑ "Kode Pos - Provinsi Bali". kodepos.id (ring Indonesia). Kaaksés 2024-12-25.
  2. ↑ Gross Regional Domestic Product of Regencies/Municipalities in Indonesia 2019–2023. Jakarta: Badan Pusat Statistik. 2024.
  3. ↑ "Peraturan Presiden Nomor 45 Tahun 2011". Kaarsipin saking versi asli tanggal 2017-04-03. Kaaksés 2017-04-02. Unknown parameter |dead-url= ignored (help)
  4. ↑ "Peraturan Presiden Nomor 51 Tahun 2014". Kaarsipin saking versi asli tanggal 2017-04-03. Kaaksés 2017-04-02. Unknown parameter |dead-url= ignored (help)
  5. ↑ "Indonésia Timur". Wikipedia bahasa Indonésia, ensiklopedia bebas (ring Indonesia). 2022-02-14.
  6. ↑ "SIFATARU - Sarbagita". sifataru.atrbpn.go.id. Kaarsipin saking versi asli tanggal 2022-07-28. Kaaksés 2022-03-31.
  7. ↑ Bali, Badan Pusat Statistik Provinsi. "Provinsi Bali Dalam Angka 2023". bali.bps.go.id (ring Indonesia). Kaaksés 2024-12-23.
  8. ↑ 8,0 8,1 "Validasi Data Kependudukan Kementerian Dalam Negeri RI". Kaaksés 15 Oktober 2021.
  9. ↑ "Badan Pusat Statistik Provinsi Bali". bali.bps.go.id. Kaaksés 2022-02-23.
  10. ↑ 10,0 10,1 10,2 10,3 "PU-net". perkotaan.bpiw.pu.go.id. Kaarsipin saking versi asli tanggal 2022-04-01. Kaaksés 2022-03-31.
  11. ↑ "Bandar Udara: I Gusti Ngurah Rai". hubud.kemehub.go.id. Direktorat Jenderal Perhubungan Udara.
  12. ↑ "PROFILE – Distrik Navigasi Kelas II Benoa" (ring Inggris). Kaaksés 2024-12-23.
  13. ↑ "Ikut serta pada World Architecture Festival, Desain Pelabuhan Sanur Mendunia". hubla.dephub.go.id.
  14. ↑ "New toll road to ease congestion, increase tourists". The Jakarta Post. 5 September 2011. Check date values in: |date= (help)
  15. ↑ "Bali starts construction on crucial toll road, underpass". The Jakarta Post. 22 December 2011. Kaarsipin saking versi asli tanggal 14 January 2012.
  16. ↑ "President officially opens Bali toll road". 23 September 2013. Kaarsipin saking versi asli tanggal 25 September 2013. Check date values in: |date=, |archive-date= (help)
  17. ↑ Saputra, Harian Noris (2023-10-20). "Kawasan Sarbagita Bali Sulit Tambah Ruas Jalan Raya". Bisnis.com (ring Indonesia). Kaaksés 2024-12-23.
  18. ↑ Data Statistik PDDA Tahun 2023 (PDF). Balai Pengelola Transportasi Darat Kelas II Bali. 2023.
  19. ↑ Wiratmaja, Ida Bagus (25 Désémber 2024). "ASPEK BUDAYA MASYARAKAT BALI DALAM FENOMENA SUBURBANISASI DI KAWASAN SARBAGITA (DENPASAR, BADUNG, GIANYAR, TABANAN)" (PDF). Masters thesis, Program Pendidikan Pasca sarjana Universitas Diponegoro.
  20. ↑ Yuliandari, Yuliana Rini Dwi; Martha, Luhur Fajar; Widodo, Dwi Rustiono (2014). "ANALISIS GEOSPASIAL DAMPAK PERKEMBANGAN KEGIATAN PARIWISATA TERHADAP PERMUKIMAN KUMUH WILAYAH SARBAGITA, BALI". Jurnal Kesejahteraan Sosial (ring Indonesia). 1 (02). ISSN 2443-2016.
  21. ↑ Nurita, Wayan; Putri, I. Gusti Ayu Vina Widiadnya (2021-12). "Critical condition in balinese lexicon extinction". Journal of Language and Linguistic Studies. 17 (4): 1773–1786. doi:10.3316/informit.227987368751653. Check date values in: |date= (help)
  22. ↑ Rakyat, Ditjen Pembiayaan Infrastruktur Pekerjaan Umum dan Perumahan Kementerian Pekerjaan Umum dan Perumahan. "Detail Project Jalan Tol Gilimanuk - Mengwi". SIMPUL KPBU - Kementerian PUPR (ring Indonesia). Kaaksés 2024-12-24.
  23. ↑ Agency, ANTARA News. "Patahkan wacana, kini Bali serius bangun KA Subway". ANTARA News Bali. Kaaksés 2024-12-25.
Kapolihang saking "https://ban.wikipedia.org/w/index.php?title=Wawengkon_métropolitan_Dénpasar&oldid=217758"