Sunset Point Uluwatu
Sunset Point Uluwatu pinaka silih tunggil obyék wisata sané magenah ring Désa Pecatu, Kecamatan Kuta Selatan, Kabupatén Badung. Genahnyané rumasuk wewidangan propinsi Bali ring sisi kelod. Obyék puniki becik pisan mawinan pinaka wewidangan tebing pasih Uluwatu. Akéh toris saking dura negara sané ngarereh genah puniki mangda prasida nyingakin kelanguan suryané sané kelem ri tatkala sanja. Yéning jagi ngranjing tur madué genah anggén negak, patut numbas inem-ineman sané sampun kasayagayang olih dagangé drika. Obyék puniki nampek pisan, kirang langkung wantah 1 kilométér saking Pura Uluwatu.