SMA Negeri 4 Singaraja

SMA Negeri 4 Singaraja; ,ᵒes·ᵒem·ᵒa,nĕgĕri,4,siṅaraja
Informasi
Kaadegang	5 Juni 1989
Soroh	Sekolah Menengah Atas Negeri
Akréditasi	A
Nomor Statistik Sekolah	201 220 101 004
Nomor Pokok Sekolah Nasional	50100287
Manggala Sekolah	Putu Gedé Wartawan
Jurusan utawi paminatan	IPA, IPB, miwah IPS
Pentang kelas	X, XI IPA, XII IPA, ; XI IPB, XII IPB, ; XI IPS, XII IPS
Status	Negeri
Alamat
Genah	Jl. Melati, Singaraja, Indonésia
Tel./Faks.	(0362) 22845
Situs wéb	sman4singaraja.sch.id
Moto

SMA Negeri (SMAN) 4 Singaraja silih tunggil Sekolah Menengah Atas Negeri sané magenah ring kalurahan Banjar Jawa, Kecamatan Buléléng, Kabupatén Buléléng, Propinsi Bali, Indonésia.^[1] Sekadi SMA ketah nyané ring Indonésia masa pandidikan sekolah ring SMAN 4 Singaraja kamargiang ring tiga warsa pelajaran, kakawitin saking Kelas X ngantos Kelas XII.

Lelintihan[uah | uah wit]

SMA Negeri 4 Singaraja kaadegang ring tanggal 5 juni 1989 ( Kep. Mendikbud No.0342/U/1989 ) . SMA Negeri 4 Singaraja ngelah lelintihan pangadegan sané unik ring artos ipun mabinayan sareng SMA liyanan sané wénten ring kota Singaraja. Ring warsa 1956 kaadegang Sekolah Guru Pendidikan Jasmani ( SGPD ) ring genah sekolah sané mangkin antuk suwé paajahan ipun 4 warsa, tatujoné ngaripta para guru jasmani sané wikan tur nyétak para atlit. SGPD memargi nganti warsa 1963.

SGPD selanturné magentos aran dados Sekolah Menengah Olahraga Atas ( SMOA ) ring warsa 1963, sané suwé paajahan ipun 3 warsa. SMOA mamargi suwé pantaraning sareng SGPD punika 15 warsa masaih sareng Sekolah Menengah Atas liyanan. Ring warsa 1978 , SMOA magentos aran malih dados Sekolah Guru Olahraga (SGO). Sapunika SMOA taler SGO prasida ngasilang para atlit olahraga khususné ring Kabupatén Buleleng, sangkaning ring nyabran wimbakara olahraga kawéntanan SMOA utawi SGO setata kacingak olih para lawanné, sekadi tatujon utama ipun. Ring warsa ajahan 1989 /1990 SGO sampun nénten nampi sisya anyar. Lembaga punika wawu nampi sisya anyar SMA ring kelas siki manut sekadi Kep. Mendikbud RI. Nomor 0342/U/1989 tanggal 5 Juni 1989 indik alih guna Sekolah Pendidikan Guru miwah Sekolah Guru Olahraga dados Sekolah Lanjutan Tingkat Atas. Sapunika indik papelajahan ring kelas II miwah III (SGO) tetep kamargiang ngantos warsa ajahan 1990 / 1991. Selanturné mawit Kaputusan Manggala Kantor Wilayah Departemén Pendidikan miwah Kabudayaan Propinsi Bali Nomor 44 / I / 19 / Kep / I.1991 tanggal 30 April 1991 Indik pangicayan aran tur nomor sekolah antuk Sekolah Pendidikan Guru dan Sekolah Sekolah Guru Olahraga alih guna dados Sekolah Menengah Tingkat Atas (SMA), ring jisa sané kacantum ring lempiran kaputusan punika, indik SGO Negeri Singaraja dados aras sekolah asal, maalih guna tur manomor dados SMA Negeri 4 Singaraja. Ring warsa ajahan 1996 / 1997 wénten pagentosan aran sekolah saking SMA (Sekolah Menengah Atas) dados SMU (Sekolah Menengah Umum). Mawit Kep. Mendikbud RI nomor 0342/U/1989. Pinanggal 5 Juni 1989 katetapang dados rahina kaadegang ipun SMA Negeri 4 Singaraja.^[3]

Pustaka[uah | uah wit]

↑ ^1,0 ^1,1 "Data Referensi Pendidikan". referensi.data.kemdikbud.go.id. Kaaksés 2021-04-01.
↑ "SMA NEGERI 4 SINGARAJA". sekolah.data.kemdikbud.go.id. Kaaksés 2021-09-01.
↑ "Profil Sekolah – SMA N 4 Singaraja" (ring Indonesia). Kaaksés 2023-08-03.^{[permanent dead link]}

Pranala jaba[uah | uah wit]

SMA Negeri 4 Singaraja ring Facebook
SMA Negeri 4 Singaraja ring Instagram
Kanal SMA Negeri 4 Singaraja ring YouTube

[referensi-1] 1,0 ^1,1 "Data Referensi Pendidikan". referensi.data.kemdikbud.go.id. Kaaksés 2021-04-01.

[2] "SMA NEGERI 4 SINGARAJA". sekolah.data.kemdikbud.go.id. Kaaksés 2021-09-01.

[3] "Profil Sekolah – SMA N 4 Singaraja" (ring Indonesia). Kaaksés 2023-08-03.^{[permanent dead link]}

[1]

[2]

[3]