Reta
 | Suratan puniki kasaratang wikifikasi mangda ngisinin standar kualitas Wikipédia. Ida dané dados ngamolihang wantuan marupa tambahan daging pranala jero, utawi mawit nguahin tata letak ring suratan/kaca puniki.
Tekén keterangan liyanan, klik [tampilkan] ring bagian tengen.
|
 Jaja reta | |
| Tipé | jaja |
|---|---|
| Sajian | abungkul |
| Mawit saking | Indonésia |
| Wawengkon utawi wewidangan | Bali |
| Suhu penyajian | anget, dingin |
| Lakaran utama | tepung baas, nyuh, gula pasir, yéh, uyah |
| Lakaran sané ketah kaanggén | pewarna makanan |
Jaja reta inggih punika silih tunggil sanganan sané wénten ring Bali. Jaja reta malakar aji tepung baas, nyuh, gula pasir, yéh, uyah, miwah pewarna makanan. Tata cara ri tatkala ngaryanin jaja reta inggih punika sané kapertama tepung baas kakepal-kepal tur kakukus ngantos lebeng. Yéning sampun lebeng, tepung punika kabenyahin nganggén séndok kanti rupannyané sakadi tepung malih. Salanturnyané, nyuh kakupas, kakikih, kaperas tur kaambil santannyané. Lantas santan punika kacampur uyah. Salanturnyané, tepung baas kacampur santan sakabedik kantos kalis tur kaisinin pewarna makanan. Yéning sampun kalis, adonan punika kagiling nganggén botol kantos rata tur tipis. Lantas kawentuk persegi panjang. Adonan punika kawentuk sakadi pita magerigi. Wentuk niki sané ngawinang jaja reta jegeg tur ngulangunin. Yéning sampun kawentuk, jaja reta kagoreng ngantos lebeng. Yéning sampun lebeng, jaja reta kaisinin gula pasir sané sampun cair ring duur jaja reta. Ketahnyané jaja reta mawarna pink tur madaging gula putih baduurné. Tiosan dados sanganan, jaja reta prasida kaanggén sarana babantenan. Jaja reta makéh kaadol ring pasar tradisional.[1]
Pustaka[uah | uah wit]
- ↑ "Jaja Tali Reta". budaya-Indonésia.org. Kaaksés 2 February 2020.