Putu Sedana

Putu Sedana
Embas	17 Désémber 1932 Pengastulan, Seririt, Buléléng, Bali
Mabangsa	Indonésia
Kauningin	pangawi sastra Bali

Putu Sedana (embas ring Pengastulan, Seririt, Buléléng, Bali, 17 Désémber 1932;yusa 91) inggih punika silih tunggil pangawi sastra Bali. Dané namatang pendidikan ring Sekolah Tinggi Ilmu Sosial miwah Ilmu Politik Wirabhakti, Denpasar. Naanin dados Staf Pengajar ring Universitas Panji Sakti Singaraja. Dané nyurat makudang-kudang puisi, prosa, drama, sandiwara radio mabasa Bali wiadin Indonésia. Lianan ring punika, dané taler makarya lagu mabasa Bali wiadin Indonésia. Kakawian dané punika naanin kamuat ring surat kabar wiadin kasiarang ring TVRI acara Pusat, RRI (studio Yogyakarta, Semarang, Surabaya, Dénpasar, miwah Singaraja).

Karya sastra

Cakepan dané sané sampun kawedar inggih punika:

• "Bali Suar Tanah Dumilah", pupulan puisi mabasa Bali.

Penghargaan

Saking makekawian, dané ngamolihang makudang-kudang penghargaan wiadin hadiah, minakadi:

• Juara II Tingkat II, Buléléng ri kala sayembara menggambar anak anak SR (SD) sané mamurda “Perang”. (1945)
• Juara III Daérah Tingkat II Buléléng ri kala sayembara Désign Patung Tugu Singa Ambara Raja. (1964)
• Juara I Daérah Tingkat I Bali nyurat puisi Bali modéren sané kaadaang olih Lembaga Bahasa Nasional Cabang I, Singaraja mamurda “Mati Nguda” (1969)
• Juara I Daérah Tingkat I Bali nyurat prosa Bali modéren sané kaadaang olih Lembaga Bahasa Nasional Cabang I, Singaraja mamurda “Mirah” (1969)
• Juara I Daérah Tingkat I Bali nyurat puisi keindahan alam Batur sané kaadaang olih Gubernur Kepala Daérah Tingkat I Bali, mamurda “Damai Dikedirikan” (1980)
• Juara I Daérah Tingkat I Bali sayembara mencipta lagu féstival Sandya Gita Daérah Bali ri kala Pésta Kesenian Bali 1984 sané kelaksanaang olih Gubernur Kepala Daérah Tingkat I Bali mamurda “Téja Guling” (1984)
• Juara I makarya lagu daérah Bali ri kala PKB sané mamurda “Gumin Titiangé Bali” (1985)
• Penghargaan saking Gubernur Kepala Daérah Tingkat I Bali mencipta lagu sané mamurda “Pulaki” (1985)
• Juara I sayembara makarya lagu ri kala PKB sané mamurda “Hyang Laksmi” (1990)
• Anugrah Seni Wija Kusuma Jurusan Seni Téater saking pemerintah Daérah Tingkat II Buléléng. (1997)