Pura Taman Ayun

Saking Wikipédia
Cebur nuju navigasi Cebur nuju parerehan


Pura Taman Ayun
Pura taman ayun.jpg
Paduraksan Pura Taman Ayun
Inpormasi umum
TipePura
Pakem UndagiBali
GenahMengwi, Badung, Bali
AlamatJl. Ayodya No.10, Mengwi, Mengwi, Badung, Bali 80351
Estimasi puputAbad ka-17

Pura Taman Ayun inggih punika Pura sané wénten ring Kecamatan Mengwi, Kabupatén Badung, Bali. Pura punika sekadi Pura Paibon utawi padarman Raja Mengwi sané kaanggén ngaturang bhakti ring leluhur saking raja-raja. Nika mawinan irika kawangun gedong paibon tur méru-méru sané kaanggén ngaturang bhakti ring para déwa ring krama kerajaan Mengwi antuk nunas karahayuan. Ring warsa 2012 UNESCO ngabaosang indik Pura Taman Ayun kadadosang kepahan saking situs warisan budaya ring jagaté. Sejarahnyané inggih punika Pura Taman Ayun kawangun ring aab ka-17 utawi kakawitin ring 1632, tur kapuputang ring warsa 1634 olih raja Kerajaan Mengwi sané mawasta I Gusti Agung Putu.[1]

Ritatkala ngawangun kerjaanné punika, Ida kawantu olih undagi saking Banyuwangi sané mawasta Ing Khang Ghoew utawi I Kaco. Pura Taman Ayun dados pura kulawarga antuk Kerajaan Mengwi. Pura puniki kakepah dados tigang kepahan, inggih punika:

  • Sané kapertama inggih punika Jaba, ring Jaba punika wénten kolam, jembatan, wantilan tur tugu yéh mancur.
  • Sané kaping kalih inggih punika wénten wangunan aling-aling Balé Pengubengan sané kahiasin olih relief Dewata Nawa Sanga, Pura Dalem Bekak tur Balai Kulkul
  • Sané kaping tiga inggih punika genah sané paling tegeh tur paling suci, wénten makudang-kudang meru

Katiga kepahan Pura Taman Ayun puniki kadadosang cihna tiga tingkat kosmologi jagaté. Henk Schulte Nordholt nyuratang buku sané mamurda "Negara Mengwi" indik Taman Ayun kabecikang ring warsa 1750 olih undagi sané mawasta Hobin Ho. Pura Taman Ayun wénten ring acara televisi "Around the World in 80 Gardens".

Pustaka[uah | uah wit]

  1. Indonésia, Perpustakaan Nasional Républik Indonésia / National Library of. "Pura Taman Ayun (Bali) - Kepustakaan Candi". candi.perpusnas.go.id. Diakses tanggal 2019-05-30.