Pura Payogan Agung Ketéwél
| Pura Payogan Agung Ketéwél | |
|---|---|
 | |
| Inpormasi umum | |
| Tipe | Pura |
| Pakem Undagi | Bali |
| Genah | Ketéwél, Gianyar, Bali |
| Margi | Ketéwél, Sukawati, Gianyar, Bali 80582 |
Pura Payogan Agung inggih punika Pura Kahyangan Jagat sané magenah ring Désa Pakraman Ketéwél, Kecamatan Sukawati, Kabupatén Gianyar.
Manut saking Raja Purana, Pura Payogan Agung miwah prasasti ring Griya Jaya Purna Rangkan Ketéwél, kabaosang indik Pura Payogan Agung punika stanan Sang Hyang Pasupati sané kasengguh Ida Bhatara Hyang Murtining Jagat. Pura Payogan Agung punika ngranjing ring silih tunggil pura kuno sané wénten ring Bali, kacihnayang olih kawéntenan Lingga Yoni, miwah Patung Siwa Mahadéwa. Sadurung kawastanin Pura Payogan Agung, Pura punika mawasta Kahyangan Joran Agung, Kahyangan Puseh Joran Agung, miwah Kahyangan Payogan Siwa Agung. Pura punika kawangun olih Ida Hyang Pasupati miwah Para Déwata ring Gunung Seméru, sané kaanggén genah paruman ri tatkala nglawan I Kala Surya.