Pura Dalem Jagaraga
 | |
|---|---|
 Pura Dalem Segara Madhu | |
 | |
| Aran liyanan | Pura Dalem Jagaraga |
| Inpormasi umum | |
| Tipe | Pura |
| Pakem Undagi | Stil Bali |
| Genah | Jagaraga, Kecamatan Sawan, Buléléng, Bali, Indonésia |
| Koordinat | 8°06′21″S 115°09′39″E / 8.105876°S 115.160885°E |
| Estimasi puput | Abad ka-12 Masehi |
| Pinanggal rénovasi | 1865 |
Pura Dalem Jagaraga taler kasengguh Pura Dalem Segara Madhu inggih punika silih tunggil pura sané magenah ring Désa Jagaraga, Kecamatan Sawan, Buléléng, kirang langkung 11 km ring sisi kangin Kota Singaraja ring sisin margi jurusan Singaraja-Sawan. Désa puniki kasub antuk Puputan Jagaraga nglawan Belanda duk warsa 1849 kamanggalaning olih I Gusti Ketut Jelantik. Wewidangan pura puniki khas pisan duaning madué gegambaran rélief montor gedé kuno, rélief kapal ulung, rélief wong Belanda ri sedek nginem bir miwah sané lianan. Taler wénten patung Mén Brayut saking satua Bali indik biang sané akéh madué pianak kanti magréndotan.[1][2][3]
Pura Dalem Jagaraga pinaka silih tunggil pura sané ngdautin manah wong dura negara malancaran drika. Pinaka silih tunggil Pura Kahyangan Tiga ketahnyané pateh sareng Pura Dalem lianan sané wénten ring Bali. Genahnyané nampek sareng sétra taler madué patung sakadi Batari Durga sané ngawinang kramané jejeh. Sané malianan tur cihna utama saking pura Jagaraga wantah ukirannyané sané nyritayang indik kahuripan krama ring Bali sadurung taler sasampun sapangrauh wangsa Belanda. Taler katemonin ukiran indik mitologi ring Bali sakadi rupa rangda.[4]
- ↑ Ring, Trudy (1996). International Dictionary of Historic Places: Asia and Oceania. Routledge. p. 69. ISBN 1884964044.
- ↑ Pringle, Robert (2004). A short history of Bali: Indonésia's Hindu realm. Crown Nest, NSW: Allen & Unwin. p. 98ff. ISBN 1865088633.
- ↑ Ver Berkmoes, Ryan (2005). Bali & Lombok. Lonely Planet. p. 31.
- ↑ "Pura Dalem Jagaraga". Panduanwisata.id. Kaarsipin saking versi asli tanggal 2015-05-03. Kaaksés 15 Méi 2020.