Penyu Metaluh di Biasé

Aksara Latin

Aksara Bali

Penyu Metaluh di Biasé
Satua
Aran	Penyu Metaluh di Biasé
Data
Negara	Indonésia
Wewidangan	Bali

Satua Penyu Metaluh di Biasé (aksara Bali: pĕñumataluḥdibiyase) inggih punika silih tunggil satua Bali.

Daging satua

Dugase pemadegan Ida Sang Prabu Airlangga di panegara Medang Kamulan, Ida maduwe Bagawanta sané sampun kajanaloka di jagate, sané mapesengan Empu Bharadah. Ida Empu Bharadah sampun ngasorang Calonarang wiadin Walunateng Dirah (Girah). Sawireh Ida Sang Prabu maduwe putra kekalih sané mapesengan Jayengrana miwah Javanegara sané jagi ngentosin Keraton Ida.

Sane alitan kayun idané jagi kaadegang agung ring tanah Bali. Punika makawinan Ida Sang Prabu ngutus Ida Empu Bharadah mangda lunga ke Bali Tangkil ring rakan idané sané mapasihin Empu Kuturan magenah ring Silayukti, jaga nunas paswecan Ida Empu Kuturan mangdané putran Ida Sang Prabu kaicen madeg di Bali. Ida Empu Bharadah ngalinggihin don keluih, done ento satsat jukung idané raris tedun ring Kapurancak. Gelisan satua saking Kapurancak ngeraris ida ke Silayukti. Ri sepengrawuh ida ring Silayukti raris kagoda rakan idané nanging Ida Empu Kuturan sampun uning sepengrawuh arin ida. Daweg punika toyan segarane meluab nyantos bek guane. Nanging Ida Empu Kuturan teleb ngemegehan yoga samadi, lantas yeh pasihe ento hilang uli di guane. Ngeraris ngogjoh Ida Empu Bharadah tangkil ring rakan idané.

Gelisan satua kemanggihin ida taluh tetelu. Taluhe ento lantas anggén ida sareng kalih macecimpedan. Mangkin Ida Empu Kuturan mataken ring arin ida, untuk panadian taluhe ane paling siduur.

Kasaurin antuk ida Empu Bharadah, “Taluhe punika pacang siduur dadi naga”.

Mangkin, Empu Bharadah mataken ring rakan ida. “Unduk taluhe ane paling sibetén?”.

Kasaurin antuk Ida Empu Kuturan, “Taluhe ento bakal dadi bedawang”.

Sajan lekad lantas taluhi ento dadi bedawang. Ento karanane duka Ida Empu Bharadah, kapastu lantas bedawang ento apang tusing dadi mataluh di yeh tur tusing bisa ngeem taluh.