Olimpiade Masan Dingin 1960 (sacara resmi Olimpiade Masan Dingin VIII miwah kaloktah dados Squaw Valley 1960) inggih punika acara multi-olahraga masan dingin sané kamargiang saking tanggal 18 ngantos 28 Pébruari 1960, ring Résort Squaw Valley (mangkin kaloktah dados Palisades Tahoe) ring Squaw Valley (mangkin kaloktah dados Olympic Valley), California, Amérika Serikat. Resor niki kapilih manados tuan umah Olimpiade daweg pasamuan Komite Olimpiade Internasional (IOC) warsa 1956. Squaw Valley inggih punika resor sané durung makembang daweg warsa 1955, sapunika infrastruktur miwah makasami genahné kawangun riantara warsa 1956 miwah 1960 nelasang pabéa US$80.000.000 ($791.361.080 tahun 2024). Tata genah ipun karancang mangda nampek, sapunika ngapersidyaang pamiarsa miwah pesaing ngarauhin makéhan genah antuk mamargi.
