Ni Luh Djelantik
| Ni Luh Djelantik | |
|---|---|
 | |
| Embas | Ni Luh Putu Ary Pertami Djelantik 15 Juni 1975 Bangli, Bali |
| Mabangsa | Indonésia |
| Pakaryan | Desainer, Aktivis, Filantropi |
| Warsa aktip | 2004-mangkin |
| Kurenan | Louis Kieffer (k. 2013) |
Ni Luh Djelantik (embas ring Bangli, 15 Juni 1975;yusa 49) inggih punika jadma sané mabuat pisan ring Bali. Ida madué wastan Ni Luh Putu Ary Pertami Djelantik. Ida embas ring Bangli, 15 Juni warsa 1975. Wastan Niluh Putu Ary Pertami kaicénin olih kakiang idané sané madué arti inggih punika pianak sané kapertama. Raraman idané sampun mapalasan saking ida mayusa atiban. Ngantos ida kelih, ida kaasuh olih ibunnyané. Ida mawit saking kulawarga sané sederhana. Ida meneng sareng ibu, sepupu, paman, bibi, kakiang miwah nininyané. Kulawarganyané ngrereh pangupadiri antuk madagang ring pasar Badung. Ring warsa 1994, ida luas ngranjing ring jurusan manajemen keuangan Univérsitas Gunadarma, Jakarta. Drika, sambilanga masuk, ida ngrereh pangupadiri antuk makarya ring perusahaan tékstil.
Ida madué mérek toko sepatu sané mamurda Niluh Djelantik. Sadurung ida menekuni bidang rancang sepatu, ida ngamolihang penghargaan Best Fashion Brand & Designer The Yak Awards ring warsa 2010. Sawiréh ida seneng tekén sepatu, ida ngaryanin bisnisnyané tur kasub ngantos ka dura negara. Sané ngawinang ida makarya toko sepatu puniki inggih punika sawiréh ida kayun madué sepatu sané pas ring cokornyané. Rikala ida kari alit, ibunnyané nénten madué jinah antuk numbasang sepatu sané luung. Nika sané ngawinang ida semangat nyalanang bisnis ri tatkala ida mawali ka Bali ring warsa 2001. Ngantos mangkin, wastan ida kasub ring Bali tur ka dura negara.
| Pamilu | Lembaga législatif | Daérah pamilihan | Partai politik | Paroléhan suara | Asil | |
|---|---|---|---|---|---|---|
| 2019 | Déwan Perwakilan Rakyat Républik Indonésia | Bali | bgcolor="Mal:Partai Nasional Démokrat/meta/color"|Partai NasDem | Ten kauningin | 
Ten kapilih | |
| 2024 | Déwan Perwakilan Daérah Républik Indonésia | Bali | Politikus indepénden | 377.152 | Kapilih | |
Ni Luh Djelantik ring Instagram
Ni Luh Djelantik ring Twitter
.svg){kind=logo}
Ni Luh Djelantik ring Facebook