Museum Bengkulu
 | |
| Kaadegang | 3 Méi 1980 |
|---|---|
| Genah | Jalan Pembangunan nomor 8, Padang Harapan Bengkulu |
Museum Bengkulu utawi Museum Negeri Bengkulu inggih punika genah panyimpanan koleksi benda-benda bersejarah miwah adat budaya soang-soang suku sane wenten ring Bengkulu.[1][2] Ring pantarannyané wénten koleksi busana panganten miwah busana adat, prabot rumah tangga, sanjata tradisional, wangun-wangun umah adat, sesuratan aksara Ka ga nga miwah peninggalan-panginggalan zaman prasejarah ngawit saking masa peradaban batu ngantos perunggu.[1][2] Lianan ring punika, wénten peninggalan kerajinan kain tenun sané kawangun saking kain tenun krama Enggano miwah makudang-kudang soroh motif kain besurek.[1][2]
Museum Bengkulu ngawit kawangun ring warsa 1978.[3] Nanging, museum sané karesmiang olih Drs. GBPH Poeger wawu kawigunayang ring tanggal 3 Méi 1980.[3] Ring pangawitnyané, Museum Bengkulu magenah ring Benteng Marlborough.[3] Nanging, ring 3 Januari 1983 museum puniki meneng ring wangunan anyar ring Jalan Pembangunan nomor 8 Padang Harapan.[3] Museum punika kabuka nyabran rahina saking jam 08.00 ngantos jam 15.00 sajabaning rahina Saniscara miwah Minggu.[4]
Museum puniki madaging 126 pupulan naskah kuno sané nyantos mangkin durung kauningin sapa sira sané nyurat.[1][5] Mangkin, dasa buku sampun kasobyahang ring basa Indonesia. Koleksi naskah kuno sané madaging pantun, sejarah miwah 'wejangan' puniki mayusa puluhan bahkan ratusan tahun. Lianan ring naskah kuno, museum sané magenah ring genah sané jimbarnyané 9.974 m2 puniki taler madaging koleksi kain tradisional. Wus punika, raris Ida ngandika ring dane sareng sami, sapuniki: "Pesuja ragane ajak makejang. Kain Besurek madué motif sakadi aksara kaligrafi Arab. Sakéwanten, motif-motif punika nénten madaging kruna-kruna sané nénten prasida kawacén.
Silih sinunggil koleksi sané menarik saking museum puniki inggih punika kawéntenan mesin cetak Drukkey Populair antuk merek Golden Press. Mesin cetak buatan Amerika Serikat puniki kakaryanin ring warsa 1930. Drukkey Populair puniki sané kaanggén olih Pamaréntah Indonésia antuk nyetak jinah barak. Uang barak inggih punika silih tunggil Oeang Républik Indonésia (ORI) sané kaanggén sarana tukar menukar sané sah, utaminnyané ring wewidangan Bengkulu.[1][5]
Museum Bengkulu madué 6000 koleksi sané kapolihang saking makudang-kudang genah ring Bengkulu miwah tiosan.[6] Pupulan punika kakepah antuk makudang kategori, inggih punika:[5]
- Koleksi biologi: koleksi sané mapaiketan sareng disiplin ilmu biologi
- Koleksi etnografi: barang-barang budaya utawi piranti sadina-dina sané kaanggén duk nguni utawi kaanggén nyantos mangkin.
- Koleksi arkeologi: pupulan benda peninggalan purbakala utawi masa prasejarah sané ketah kapanggihin antuk proses penggalian (ekskavasi)
- Koleksi historis: pupulan barang sané mapaiketan utawi sampun kaanggén ring peristiwa sejarah mapaiketan sareng organisasi masyarakat miwah tokoh sejarah
- Koleksi numismatika utawi heraldik: Numismatika inggih punika koleksi mata uang utawi prabot tukar sané sah sané naanin mamargi. Heraldika inggih punika pupulan saking cihna jasa, lambang utawi cihna pangkat resmi, rumasuk cap miwah stempel
- Koleksi filologi: benda sané dados pahan saking disiplin ilmu geologi utawi geografi sané ngranjing batu mineral miwah wentuk alam tiosan
- Koleksi keramologi: koleksi benda sané kakaryanin saking tanah liat sané kageseng antuk suhu sané tegeh (keramik)
- Koleksi seni rupa: benda seni sané mapangaruh tinggi, sekadi lukisan
- Koleksi teknologi: pupulan benda sané nyihnayang panglimbak teknologi saking tradisional ngantos modern
- ↑ 1,0 1,1 1,2 1,3 1,4 "Museum Negeri Provinsi Bengkulu". Kaarsipin saking versi asli tanggal 2014-05-15. Kaaksés 14 Mei 2014. Unknown parameter
|dead-url=ignored (help); Check date values in:|accessdate=(help) - ↑ 2,0 2,1 2,2 "Museum Negeri Provinsi Bengkulu". Kaaksés 14 Mei 2014. Check date values in:
|accessdate=(help) - ↑ 3,0 3,1 3,2 3,3 "Museum Bengkulu". Kaarsipin saking versi asli tanggal 2014-05-14. Kaaksés 14 Mei 2014. Unknown parameter
|dead-url=ignored (help); Check date values in:|accessdate=(help) - ↑ "Bengkulu Museum". Kaarsipin saking versi asli tanggal 2022-12-12. Kaaksés 2022-12-12. Unknown parameter
|dead-url=ignored (help) - ↑ 5,0 5,1 5,2 "Museum Negeri Bengkulu: Menelusuri Kekayaan Benda Budaya". Kaaksés 14 Mei 2014. Check date values in:
|accessdate=(help) - ↑ "Museum miliki 6000 koleksi sejarah". Kaaksés 14 Mei 2014. Check date values in:
|accessdate=(help)