Madé Suar Timuhun

Madé Suar Timuhun
Embas	(1987-06-17)17 Juni 1987 Banjar Tengah, Timuhun, Klungkung, Bali
Mabangsa	Indonésia
Kauningin	pangawi sastra Bali

I Madé Suartana utawi sané ketah kauningin Madé Suar-Timuhun (embas ring Banjar Tengah, Timuhun, Klungkung, 17 Juni 1987;yusa 37) inggih punika silih tunggil pangawi sastra Bali. Ida masekolah ring SMKN 5 Dénpasar miwah tamat warsa 2005, raris nglanturang kuliah ring IKIP PGRI Bali warsa 2007 ngambil Fakultas Pendidikan Bahasa miwah Seni, Program Studi Pendidikan Bahasa miwah Sastra Daérah Bali miwah wisuda warsa 2011. Dané ngawit nyurat sastra Bali modéren ri kala kantun kuliah miwah aktif nyurat warsa 2013. Puisinnyané ngawit kawedar ring Bali Orti (Bali Post) bulan April warsa 2013 miwah warsa 2014 sampun kawedar ring Médiaswari (Pos Bali).

Sesuratan

Lianan ring nyurat puisi basa Bali miwah basa Indonésia, dané taler nyurat satua cutet miwah ésai sané kawedar ring Bali Orti, Médiaswari, miwah Majalah Satua. Dané taler sampun ngawedar cakepan sastra Bali modéren, luiré:

• Mlajah (Pupulan Puisi Bali, 2014)
• Jaen Idup di Bali (Satua Cutet, 2015)